لندن:
برطانوی ملکہ کامیلا نے اپنی کم عمری میں پیش آنے والے ایک ہولناک واقعے کا انکشاف کیا ہے، جس میں انہوں نے جنسی ہراسانی کی کوشش کرنے والے ایک شخص کو بہادری کے ساتھ مزاحمت کرتے ہوئے شکست دی۔
برطانوی میڈیا کے مطابق یہ انکشاف حال ہی میں شائع ہونے والی کتاب Power and the Palace میں سامنے آیا ہے۔ واقعہ اُس وقت پیش آیا جب 16 سالہ کامیلا ٹرین میں سفر کر رہی تھیں اور ایک شخص نے انہیں ہراساں کرنے کی کوشش کی۔ تاہم کامیلا نے حاضر دماغی اور جرات کا مظاہرہ کرتے ہوئے اپنی جوتی اتار کر حملہ آور کو مارا، لاتوں سے بھی مزاحمت کی اور پھر ریلوے اسٹیشن پر پولیس کے حوالے کر دیا۔
یہ واقعہ برطانیہ کے سابق وزیراعظم بورس جانسن کے کمیونیکیشن ڈائریکٹر، گٹو ہیری نے صحافی ویلینٹائن لو کو بتایا۔ ان کا کہنا تھا کہ یہ کہانی ملکہ کامیلا نے خود ان سے شیئر کی تھی اور وہ اس کی صداقت پر مکمل یقین رکھتے ہیں۔
واضح رہے کہ ملکہ کامیلا 2022 میں شاہ چارلس سوم کی تخت نشینی کے بعد بطور ملکہ سامنے آئیں۔ وہ گزشتہ کئی برسوں سے خواتین اور بچوں کے خلاف گھریلو اور جنسی تشدد کے خلاف مہمات میں سرگرم کردار ادا کر رہی ہیں اور متعدد فلاحی تنظیموں کی سرپرستی بھی کر رہی ہیں۔
BK8BK8XO, I’ve seen this name popping up. Decided to give it a shot and am not disappointed. So far so good! Check em out!: bk8bk8xo
Been playing on Codwin for a while now, and they’ve always been solid. Pretty good promotions too. Give em a look codwin.