ویب ڈیسک: واشنگٹن میں میڈیا سے گفتگو کرتے ہوئے امریکی صدر ڈونلڈ ٹرمپ نے ایک بار پھر پاکستان اور بھارت کے درمیان مسئلہ کشمیر پر ثالثی کی پیشکش کردی،امریکی صدر کا صحافی کے سوال کے جواب میں کہنا ہے کہ مسئلہ کشمیر کے معاملے پر ثالثی کی پیشکش پر قائم ہوں، میرے خیال میں عمران خان اور مودی بہترین لوگ ہیں اور دونوں کی آپس میں اچھی بات چیت ہوسکتی ہے۔
امریکی صدر نے کہا کہ مسئلہ کشمیر کے بارے میں پاکستان سے بھی بات ہوئی ہے جبکہ بھارت کے ساتھ بھی اچھے انداز میں بات ہوئی، بھارت نے ابھی تک پیشکش قبول نہیں کی ہے، اگر دونوں ممالک چاہیں کہ کوئی ثالثی کے لیے مداخلت کرے تو امریکا کرسکتا ہے، تاہم مودی پر منحصر ہے کہ وہ پیشکش کو قبول کرتے ہیں یا نہیں
#BREAKING: Trump again makes offer for mediation on Kashmir if both Pakistan & India agree to the offer. Statement made minutes before meeting between India’s EAM @DrSJaishankar & US Secy of State @SecPompeo in Bangkok which is on right now. Trump clearly clueless about Kashmir. pic.twitter.com/8VVzY16ul6
— Aditya Raj Kaul (@AdityaRajKaul) August 2, 2019
واضح رہے کہ گزشتہ ماہ وزیراعظم پاکستان عمران خان کے دورہ امریکہ کے دوران امریکی صدر نے مسئلہ کشمیر پر ثالثی کی پیشکش کرتے ہوئے کہا تھا کہ وہ اس سلسلے میں مدد کرسکتے ہیں جب کہ بھارت سے بھی اس بارے میں بات ہوئی ہے
