لاہور(سپورٹس رپورٹر)پاکستانی فاسٹ بالر حسن علی کا انگلش کانٹی کلب وارکشائر کے ساتھ معائدہ طے پا گیا، حسن علی 2025 کاﺅنٹی سیزن میں وارکشائر کی نمائندگی کریں گے۔
تفصیل کے مطابق حسن علی تمام فارمیٹس میں وارکشائر کیلئے دستیاب ہوں گے، انگلینڈ کا کاﺅنٹی سیزن مئی کے آخر سے ستمبر تک جاری رہے گا۔ حسن علی کا کہناتھا کہ ایجبسٹن گراﺅنڈ ان کے لیے دوسرا گھر نہیں بلکہ پہلا گھر بن چکا ہے۔
پاکستانی کرکٹر حسن علی اس سے قبل بھی وارکشائر کاﺅنٹی کرکٹ کلب کی نمائندگی کرچکے ہیں اور 2024 کانٹی سیزن میں وارکشائر کی نمائندگی کرتے ہوئے انجری کا شکار ہوگئے تھے تاہم انہوں نے 2023 اور 2024 میں کانٹی چیمپئن شپ میں 27 وکٹیں حاصل کیں تھیں۔حسن کا کہنا تھا کہ انجری کے بعد 100 فیصد فٹ ہو چکا ہوں اور وارکشائر کے لیے کھیلنے کے لیے تیار ہوں۔ وارکشائر کوچ مارک رابنسن نے کہا کہ پی سی بی نے یقین دہانی کرائی ہے کہ حسن علی 2025 سیزن میں مکمل دستیاب ہوں گے۔
