اسلام آباد: برطانیہ نے سندھ میں متوقع تباہ کن سیلاب سے نمٹنے کے لیے 12 لاکھ پاؤنڈز (تقریباً 45 کروڑ 40 لاکھ روپے) کی اضافی ہنگامی امداد فراہم کرنے کا اعلان کیا ہے۔
برطانوی ہائی کمشنر جین میریٹ نے کہا کہ یہ امداد سندھ میں بروقت انتباہی نظام کو بہتر بنانے، شہریوں کے انخلا کی تیاری، کمزور گھرانوں اور متاثرہ علاقوں کی نشاندہی، ضروری اشیاء کے ذخیرے اور انخلا مراکز کی تیاری پر خرچ کی جائے گی۔
ہائی کمیشن کے مطابق یہ فنڈز مختلف غیر سرکاری تنظیموں (NGOs) کے ذریعے خرچ ہوں گے تاکہ سب سے زیادہ خطرے میں موجود آبادیوں کو آفات کے اثرات سے محفوظ رکھا جا سکے۔
جین میریٹ نے اس موقع پر کہا کہ "آفات سے پہلے کیے جانے والے حفاظتی اقدامات نہ صرف قیمتی جانیں بچاتے ہیں بلکہ آفات کے بعد اخراجات میں سات گنا تک کمی کرتے ہیں۔”
اس اعلان کے بعد پاکستان کے لیے برطانیہ کی مجموعی انسانی ہمدردی پر مبنی امداد 25 لاکھ 30 ہزار پاؤنڈز (95 کروڑ 80 لاکھ روپے) تک پہنچ گئی ہے۔
یاد رہے کہ اس سے قبل برطانیہ نے 22 اگست کو خیبرپختونخوا، پنجاب اور گلگت بلتستان کے لیے 13 لاکھ 30 ہزار پاؤنڈز (50 کروڑ 36 لاکھ روپے) کی امداد کا اعلان کیا تھا، جو فوری بحالی اور ریلیف کی سرگرمیوں پر خرچ ہو رہی ہے۔
برطانیہ کے مطابق حالیہ اقدامات کے ذریعے پاکستان بھر میں 4 لاکھ سے زائد افراد کو زندگی بچانے والی ادویات، پینے کے صاف پانی کی سہولت، موبائل میڈیکل کیمپس اور زرعی بحالی کی خدمات فراہم کی جائیں گی۔
مزید برآں، Start Ready Disaster Risk Financing نظام کے تحت بھی برطانیہ نے 5 لاکھ پاؤنڈز (18 کروڑ 90 لاکھ روپے) فراہم کیے، جس کے ذریعے پنجاب، سندھ اور خیبرپختونخوا میں 20 ہزار افراد کو مستقبل کے سیلابی خطرات سے بچانے میں مدد ملی۔
bb88bet came through with a respectable set of choices. Definitely worth a peek if you need something new. bb88bet
Feeling lucky? I’ve had some decent luck over at Phnice. Worth a shot if you’re looking for a new spot. Give phnice a try.