آگے جانا ہے تو ایسی کرکٹ نہیں کھیلیں گے جو پہلے کھیلی’، سرفراز احمد

کراچی (سپورٹس رپورٹر)چیمپئنزٹرافی 2017 کے فاتح کپتان سرفراز احمد نے اس ایونٹ کو یاد کرتے ہوئے کہا ہے کہ ہم نے اس وقت دل سے ڈر کو نکال کرکٹ کھیلی تھی۔

نجی چینل کے پوڈ کاسٹ میں اظہار خیال کرتے ہوئے پاکستان کے کامیاب ترین کپتانوں میں سے ایک سرفراز حمد کا کہنا تھا کہ چیمپئنز ٹرافی میں ایک مرحلے پر بارش کی وجہ سے ہم آؤٹ ڈور پریکٹس نہیں کرسکے تھے تو ہم نے ان ڈور پریکٹس کی تھی۔سابق کپتان نے بتایا کہ میچ سے قبل ہماری میٹنگ ہوئی اس میں کافی سخت باتیں ہوئیں، سینئرز نے بتایا کہ اگر ہمیں اس ایونٹ کو جیتنا ہے تو ہم نے جو پچھلے میچ میں کرکٹ کھیلی ہمیں اس طرح کی کرکٹ نہیں کھیلنی ہوگی۔

سرفراز احمد نے بتایا کہ اس وقت فیصلہ ہوا کہ ہمیں ڈر کو نکال کر کرکٹ کھیلنی پڑے گی، سب سے اپنا اپنا ویو دیا، محمد حفیظ، شعیب ملک کوچز اور مجھ سمیت سب نے اپنے خیالات بتائے۔اگر ہم نے آگے جانا ہے اور پاکستان کرکٹ کو بہتر کرنا ہے تو ایسی کرکٹ نہیں کھیلیں گے جو ہم نے پہلے کھیلی ہے۔

سرفراز احمد نے کہا کہ جنوبقی افریقہ کے خلاف میچ میں نے جس طرح کی بولنگ کی اور سب سے بڑھ کر فیلڈنگ بہت زبردست کی اس حوالے سے پریس کانفرنس میں بھی مجھ سے سوال کیا گیا تھا۔سابق کپتان کا کہنا تھا کہ میں اپنے آپ کو خوش قسمت سمجھتا ہوں کہ جو پلیئرز میرے ساتھ کھیلے وہ اس وقت نئے تھے اور یہ لڑکے ہمیشہ میری بات کو سمجھتے تھے۔