لاہور(سپورٹس ڈیسک)اکثر اپنی ٹک ٹاک ویڈیوز اور فٹنس کے باعث تنازعات کا شکار رہنے والے ٹیسٹ کرکٹر عمر اکمل نے ان پر تنقید کرنے والوں کو کرارا جواب دیدیا۔
انہوں نے حال ہی میں ایک پوڈ کاسٹ میں بطور مہمان شرکت کی، جہاں انہوں نے اپنی زندگی اور کھیل سے متعلق کھل کر گفتگو کی اور ڈانس اور ٹک ٹاک ویڈیوز پر تنقید کرنے والوں کو آڑے ہاتھوں بھی لے لیا۔قومی ٹیم کے کھلاڑی نے دوران گفتگو ایک سوال کا جواب دیتے ہوئے کہا کہ ان پر تنقید کرنے والوں کی اکثریت قومی ٹیم کے کھلاڑیوں کی ہی ہے،
جن کا میں بہت احترام کرتا ہوں لیکن ان کے راز بھی یرے پاس ہیں، اگر وہ مجھے بدنام کرسکتے ہیں تو میں بھی کرسکتا ہوں لیکن میں ان کی عزت کرتا ہوں اس لئے ایسا نہیں کروں گا۔انہوں نے کہا کہ وہ اپنے بہن بھائیوں یا پھر عزیز و اقارب کی شادی میں ڈانس کرتے ہیں جو کوئی بھی عام شخص کرتا ہے، لیکن میں کرکٹر ہوں تو تنقید کی جاتی ہے، جبکہ میں اس وقت ڈانس یا ٹک ٹاک ویڈیوز بناتا ہوں جب میں چھٹی پر ہوتا ہوں۔
