میاں چنوں میں شرمناک حرکت، خاتون مریضہ کا ‘چیک اپ’ زبان سے زبان لگا کر کرنے والا جعلی ڈاکٹر گرفتار

میاں چنوں میں ایک انتہائی افسوسناک اور شرمناک واقعہ پیش آیا ہے جہاں پولیس نے ایک ڈاکٹر کو خاتون مریضہ کو جنسی طور پر ہراساں کرنے کے الزام میں گرفتار کرلیا ہے۔

واقعے کی ویڈیو سوشل میڈیا پر تیزی سے وائرل ہوئی جس میں ایک شہری، جس نے خود کو اعجاز غنی کے نام سے متعارف کروایا، نے ڈاکٹر رفیق گجر پر سنگین الزامات عائد کیے۔ ویڈیو میں اعجاز غنی کہتا ہے:
"میں اپنی بیوی کو چیک اپ کے لیے لایا، تمام میڈیکل ٹیسٹ بھی کروائے، لیکن ڈاکٹر صاحب نے میری بیوی کی زبان سے اپنی زبان لگا کر معائنہ کیا۔ ڈاکٹر صاحب، مجھے بتائیں یہ کون سا میڈیکل ٹیسٹ ہے جو اس طریقے سے ہوتا ہے؟ اگر آپ کی بیوی آئی ہو تو کیا میں بھی یہی طریقہ اختیار کروں؟ مجھے مار دیں، لیکن میں بغیر حساب کے نہیں جاؤں گا!”
https://www.facebook.com/share/r/1LCD2sYv7M/

ویڈیو کے وائرل ہوتے ہی پولیس نے فوری کارروائی کرتے ہوئے ڈاکٹر رفیق گجر کو حراست میں لے لیا اور اس کے خلاف دفعہ 376 کے تحت مقدمہ درج کر لیا گیا۔ ابتدائی تحقیقات کے مطابق ڈاکٹر نے الزامات کو بے بنیاد قرار دیتے ہوئے صحتِ جرم سے انکار کر دیا ہے۔

واقعے کے بعد علاقے میں غم و غصے کی لہر دوڑ گئی ہے اور شہریوں نے جعلی ڈاکٹروں کے خلاف سخت کارروائی کا مطالبہ کیا ہے۔