لاہو ر(نمائندہ خصوصی) مسلم لیگ (ن) کی رہنما حناپرویز بٹ نے کہا ہے کہ عمران خان کی جیل بھرو تحریک ٹھس ہو گئی ہے،عمران خان نے دس ماہ میں گیارہ تحریکیں چلائی جو سب ناکام ہو گئیں ،
جیل بھرو تحریک بھی اگلے ہفتے تک اپنے انجام تک پہنچ جائے گی۔انہوںنے اپنے ایک بیان میں کہا کہ جیل کے خوف سے کچھ بھاگ رہے ہیں کچھ بیمار ہورہے ہیں ۔شیخ رشید تو فوٹو سیشن کرواکے بھاگ گئے اب عمران خان بھی فوٹو سیشن والی گرفتاری دینے کب اپنے بنکر سے باہر نکلیں گے؟۔عمران خان کو چاہیے اپنے بچوں کو لندن سے واپس لائیں اور انکے ساتھ جیل جائیں کیوں خامخواہ غریبوں کے بچے جیل بھجوارہے ہیں۔مجھے حیرت ہورہی ہے اسد عمر جیسا سمجھدار اور پڑھالکھا انسان ایک پاگل بندے کی باتوں میں آکر کیسے جیل چلا گیا۔
انہوں نے کہاکہ تحریک انصاف کے جتنے لوگ بھی جیل بھرو تحریک میں پکڑے گئے ہیں اب یہ کم از کم نوے دن جیلوں میں رہیں گے۔کل جیل گئے آج بیشرموں کا ٹولہ عدالت میں ضمانتیں کروانے پہنچ گیا ہے۔ہزاروں لوگوں کی گرفتاری دینے کا دعوی چند بندے نکلے۔عمران خان کو چاہیے اپنے بچوں کو لندن سے واپس لائیں اور انکے ساتھ جیل جائیں کیوں خامخواہ غریبوں کے بچے جیل بھجوارہے ہیں۔
