لاہور(نمائندہ خصوصی)پنجاب کی جیلوں سےبھاری جرمانوں میں قید قیدیوں کی رہائی کا بڑا انکشاف ،،،،سرکاری خزانے کو ٹیکہ لگانے والے مجرموں کا کروڑوں روپے جرمانہ سرکاری خزانے سےادا کرکے رہا کرادیا گی،،،
وزیراعظم پاکستان نے عید قرباں پر جیلوں میں قید جرمانہ نہ ادا کرسکنے کی وجہ سے سزا کاٹنے والوں کو رہا کرنے کا حکم دیا جس پر محکمہ جیل خانہ جات اور محکمہ داخلہ پنجاب کی جانب سے وفاقی حکومت کو 90 قیدیوں کی لسٹ بھجوائی گئی۔ جلد بازی کرتے ہوئے محکمہ داخلہ نے 8ایسے قیدیوں کے نام بھی بھجوا دیئے جن کی جرمانے کی مد میں واجب الادا رقم 8 کروڑ روپے سے زائدتھی۔
محکمہ داخلہ کی جانب سے بھجوائی گئی لسٹ میں موجودان قیدیوں نے سرکاری خزانے کو کروڑوں روپے کانقصان پہنچایا تھا اوران کے خلاف قومی احتساب بیورو اور ایف آئی اے میں مقدمات درج کیے تھے۔ان قیدیوں کو عدالت کی جانب سے سزا کے طور پر کروڑوں روپے جرمانہ کیا تھا۔
ایف آئی اے کے قیدی راجہ عرفان سکندرکے واجب الادا دو کروڑ باون لاکھ اناسی ہزار،محمد ندیم کے دو کڑورستاسی لاکھ اورمشتاق حسین کے دو کروڑ بتیس لاکھ وفاقی حکومت نے قومی خزانے سے ادا کرکے انہیں رہائی دلوائی۔ تمام قیدیوں کی رہائی کی کاغذی کارروائی کوٹ لکھپت جیل سے کی گئی.
