اسلام آباد (کامرس ڈیسک )ایس آئی ایف سی کے جی پی آئی کے تحت زرعی شعبے کی خوشحالی کے لیے اہم پیشرفت سامنے آئی ہے بیلاروس کی کمپنی ایم ٹی ڈبلیو اور جی سی آئی کے درمیان پاکستان میں سرمایہ کاری کے لیے عملی اقدام ہے۔
ملک کے زرعی شعبے کے استحکام کے لیے بیلاروس کی جانب سے ہیوی ڈیوٹی ٹریکٹرز پاکستان کے حوالے کردئیے گئے۔بیلاروس ٹریکٹرز کی حوالگی سے متعلق تقریب کا انعقاد کیا گیا۔بیلاروس کے سفیر انڈری میٹیلیسا اور ڈی جی گرین کارپوریٹ انیشیٹو میجر جنرل شاہد نذیر (ریٹائرڈ ) نے تقریب میں شرکت کی۔مشترکہ اسمبلی پلانٹ کے قیام سے پاکستان میں نئی ٹیکنالوجی متعارف، زرعی پیداوار میں اضافہ متوقع ہے۔
بیلاروس کے ہیوی ڈیوٹی ٹریکٹرز مختلف زمینی حالات میں فیزیبلٹی ٹرائلز سے گزارے جائیں گے۔ایس آئی ایف سی کے تحت گرین پاکستان انیشیٹو کا یہ اہم اقدام زرعی شعبے میں انقلاب کا باعث بنے گا۔دونوں ممالک کے درمیان ٹیکنالوجی کی منتقلی اور تبادلے کے ذریعے تعلقات کو مزید مستحکم کرنے کا اعادہ ہے۔ایس آئی ایف سی کے تحت گرین پاکستان انیشیٹو ملک کے زرعی شعبے کی ترقی و استحکام کے لیے کوشاں ہیں۔
