کوسٹا ریکا کے ٹورٹوگیرو نیشنل پارک کے قریب ماہی گیر جوان پابلو نے ایک ایسی نایاب شارک پکڑی ہے جس کا رنگ نارنجی-پیلا ہے۔ یہ دریافت سمندری حیات کے ماہرین کے لیے غیرمعمولی اہمیت رکھتی ہے کیونکہ دنیا میں پہلی بار کسی شارک میں اس طرح کا xanthism ریکارڈ ہوا ہے۔
رپورٹس کے مطابق یہ نرس شارک (Ginglymostoma cirratum) تقریباً 6.5 فٹ (2 میٹر) لمبی اور مکمل طور پر بالغ تھی۔ ماہرین کا کہنا ہے کہ یہ غیرمعمولی رنگت اس کی بقا میں رکاوٹ نہیں بنی۔ شارک کی آنکھیں مکمل طور پر سفید تھیں جو جینیاتی بیماری کی نشانی ہو سکتی ہیں۔
محققین نے ابتدائی تحقیقات میں کہا ہے کہ یہ نایاب رنگت جینیاتی عوامل کے ساتھ ساتھ inbreeding، ماحولیاتی دباؤ یا ہارمونل عدم توازن کی وجہ سے بھی ہو سکتی ہے۔ یہ دریافت سائنسدانوں کے لیے ایک نئی بحث اور تحقیق کا دروازہ کھولتی ہے۔
