لاہور (نمائندہ خصوصی ) مسلم لیگ ن کے رہنما طلال چودھری نے فواد چودھری کے بیان پر ردعمل دیتے ہوئے کہا کہ پہلے فیصلہ کرلیں کہ رونا ہے یا انقلاب لانا ہے۔
کفن باندھنے سے پہلے کالا کنستر تو منہ سے اتاریں،طلال چودھری کامزید کہناتھاکہ پہلے فیصلہ کرلیں کہ قبل از انقلاب ضمانت کرانی ہے کہ بعد از انقلاب ضمانت؟ لیگی رہنما نے تنقید کرتے ہوئے کہا کہ کیسا انقلاب ہے کہ آپ ضمانت پارک کے اندر نہیں جا سکتے، عمران نیازی ضمانت پارک کے بنکر سے باہر نہیں آ سکتا۔
انہوں نے کہا کہ قومی اسمبلی توڑنے سے پہلے آئین مقدم رکھنا تھا،الیکشن کمیشن بے وقعت ہوگئی ہے کیونکہ اس نے فارن فنڈنگ جو پکڑی۔ عدلیہ کے ذریعے اقتدار پر قبضے کا خواب چکنا چور ہو گا،بیان اس بات کا اعتراف ہے کہ کالعدم دہشتگرد تنظیموں کے ذریعے شرانگیزی کا پلان ہے۔
