لاہور(سپورٹس رپورٹر )پاکستان کرکٹ بورڈ(پی سی بی)نے بارش سے متاثرہ میچوں کے ٹکٹوں کی رقم کی واپسی کا اعلان کر دیا۔
آئی سی سی چیمپئنز ٹرافی کے راولپنڈی کرکٹ سٹیڈیم میں دو میچز بغیر گیند کرائے ختم ہوگئے تھے، آئی سی سی چیمپئنز ٹرافی 2025 کے لیے ٹکٹ ہولڈر مکمل رقم کی واپسی کے اہل ہیں اگر میچ ٹاس سے پہلے ہی ختم کر دیا گیا ہو، تمام انکلوژر کے ٹکٹ واپس کر دیئے جائیں گے۔
ہاسپیٹلٹی باکسز کے ٹکٹ باکس اور پی سی بی گیلری کے ٹکٹ ہولڈرز رقم کی واپسی کے اہل نہیں ہوں گے، اہل ٹکٹ ہولڈرز پیر 10 مارچ 2025 سے جمعہ 14 مارچ 2025 کے درمیان منتخب TCS آٹ لیٹس پر اپنی رقم کی واپسی کا دعوی کر سکتے ہیں۔خریداری کے ثبوت کے طور پر اصل اور بغیر نقصان زدہ ٹکٹ پیش کریں، خریدار کو رقم کی واپسی کا دعوی کرنے کے لیے ذاتی طور پر ٹی سی ایسآﺅٹ لیٹ جانا ہے۔
