لاہور (ایجوکیشن رپورٹر)پنجاب یونیورسٹی شعبہ امتحانات نے ایسو سی ایٹ ڈگری آرٹس /سائنس /کامرس پارٹ ون ، پارٹ ٹواور بی اے (سماعت سے محروم) سالانہ2023ءکے آن لائن داخلہ فارم و فیس جمع کرانے کی تاریخ میں توسیع کا شیڈول جاری کر دیاہے ۔
تفصیلات کے مطابق تمام ریگولر،لیٹ کالج، پرائیویٹ ، امپرووڈویژن، اضافی مضامین اور خصوصی کیٹیگریز(ایم بی بی ایس، بی ڈی ایس، فارم ۔ڈی، جنرل نرسنگ ، فاضل اور وفاق المدارس ) کے امیدوار اب سنگل فیس کے ساتھ آن لائن فارم15مئی 2023ءتک جمع کروا سکتے ہیں جبکہ ڈبل فیس کے ساتھ داخلہ فارم16تا30 مئی2023ءجمع کروائے جاسکیںگے۔
امیدواروں کومطلع کیا جاتا ہے کہ تمام داخلے آن لائن ہوں گے اور داخلہ فارم دستی اور بذریعہ ڈاک کسی صورت وصول نہیںکیا جائے گا۔ تفصیلات پنجاب یونیورسٹی کی ویب سائٹ www.pu.edu.pkپر دیکھی جا سکتی ہے۔
