واشنگٹن (نمائندہ خصوصی)امریکا میں پاکستان کے سفیر مسعود خان نے کہا ہے کہ پاک امریکا تعلقات مستحکم ہو رہے ہیں۔
میڈیا سے گفتگو کرتے ہوئے انہوں نے کہا کہ پاکستان اور امریکا کے درمیان مختلف شعبوں میں تعاون بڑھایا جا رہا ہے، پاک امریکا تعلقات کے مستقبل سے پْر امید ہوں۔امریکا میں پاکستان کے سفیر نے کہا کہ آئی شیپ کے نام سے ڈیلاس میں لیا گیا اقدام قابلِ تعریف ہے۔
انہوں نے کہا کہ اس پروگرام کا مقصد پاکستانی طلباء کی ابتدائی سطح پر مالی مدد کرنا ہے۔مسعود خان نے کہا کہ پاکستانی طلباء کی مالی مدد قرضِ حسنہ کی شکل میں کی جائے گی۔