نواز شریف کی واپسی پر مینار پاکستان کا” پاور شو” کتنا بڑا تھا؟

دنیا نیوز کے سنئیر رپورٹر برادرم زاہد عابد سنجیدہ فہمیدہ اور مستند و معتبر صحافی ہیں۔۔۔۔۔۔نواز شریف کے 21 اکتوبر کو مینار پاکستان پر جلسے پر ان کا تجزیہ سنا۔۔۔۔۔جب ان کے ساتھی رپورٹر نے سوال کیا کہ جلسے میں "کتنی عوام "شریک ہوئی۔۔۔۔ساتھی رپورٹر نے ایک اور سوال میں پوچھا کہ "لاہور کی ڈیڑھ کروڑ عوام میں سے کتنے لوگ جلسے میں آئے”تو زاہد عابد نے ہر دوبار بڑی سنجیدگی سے جواب دیا کہ میں نے دو ہزار گیارہ کے عمران خان کے جلسے سمیت مینار پاکستان پر کئی جلسے کور کیے ہیں۔۔۔۔یہ ن لیگ کا غیر متوقع اور غیر معمولی پاور شو یے۔۔۔۔۔انہوں نے دعویٰ کیا کہ یہ انیس سو چھیاسی کے بے نظیر کے جلسے کے بعد مینار پاکستان کی تاریخ کا سب سے بڑا سیاسی اجتماع ہے۔۔۔۔۔۔۔ساتھی رپورٹر کے سوال” انورٹڈ کوماز” میں اس لیے دیے کہ انہوں نے "کتنے عوام”” اور "لاہور کے عوام”کے بجائے "کتنی عوام” اور "لاہور کی عوام”بول کر مایوس کیا کہ وہ تو عربی بھی سے خوب اشنا ہیں۔۔۔پھر بھی الفاظ کا غلط استعمال؟؟؟؟؟خیر بات ہورہی تھی جلسے کے شرکا کی تو ایکسپریس نیوز کی رپورٹ میں کہا گیا ہے لاہور پولیس کے مطابق کی جلسے میں 60 سے 70 ہزار افراد نے شرکت کی جبکہ اسپیشل برانچ کا ماننا ہے کہ جلسہ گاہ میں 75 ہزار لوگ موجود تھے۔ اسی طرح انٹیلی جینس بیورو کے مطابق 65 سے 70 ہزار لوگ جلسہ گاہ میں موجود تھے جبکہ ملٹری انٹیلی جنس کا کہنا ہے کہ 80 سے 90 ہزار لوگ جلسہ گاہ میں موجود تھے۔۔۔۔۔