جمعیت علمائے اسلام (ف) کے سربراہ مولانا فضل الرحمان نے کہا ہے کہ انہیں سمجھ نہیں آتی کہ پاکستان تحریک انصاف (پی ٹی آئی) کے رہنما 26ویں آئینی ترمیم سے اچانک پیچھے کیوں ہٹ گئے۔ ان کا کہنا تھا کہ یہ اقدام نہ صرف سیاسی تضاد پیدا کرتا ہے بلکہ آئینی عمل کو بھی مشکوک بناتا ہے۔
پشاور میں میڈیا سے گفتگو کرتے ہوئے مولانا فضل الرحمان نے کہا کہ 26 ویں آئینی ترمیم 27 صفحات پر مشتمل ایک جامع دستاویز ہے جسے سینیٹ، قومی اسمبلی اور حکومت کی جانب سے سراہا گیا تھا۔ اب جب پی ٹی آئی اس سے پیچھے ہٹ رہی ہے تو یہ جمہوری عمل کے تسلسل پر سوال کھڑا کرتا ہے۔
انہوں نے واضح کیا کہ اگر پی ٹی آئی مذاکرات چاہتی ہے تو جے یو آئی بات چیت کے لیے تیار ہے۔ مولانا نے کہا کہ ڈیرہ اسماعیل خان میں 16 اکتوبر کو مفتی محمود کانفرنس منعقد ہوگی جس میں ملکی اور عالمی امور، بالخصوص فلسطین اور غزہ کی صورتحال پر بات کی جائے گی۔
انہوں نے کہا کہ وفاق میں پی ٹی آئی، جبکہ خیبر پختونخوا اور بلوچستان میں جے یو آئی کا مینڈیٹ چوری کیا گیا ہے۔ ان کے مطابق موجودہ حکومت اقلیت میں ہے اور "مینڈیٹ چوری کرنے والوں” کے خلاف بات ہونی چاہیے۔
مولانا فضل الرحمان نے مزید کہا کہ افغانستان اور پاکستان کی سرزمین کسی بھی بیرونی قوت کے خلاف استعمال نہیں ہونی چاہیے۔ انہوں نے کہا کہ اگر حکومت یا اسٹیبلشمنٹ غلط فیصلے کرے تو ان کی نشاندہی کرنا قومی ذمہ داری ہے۔
انہوں نے صوبائی سطح پر ممکنہ وزیراعلیٰ کی تبدیلی کے حوالے سے کہا کہ جے یو آئی صورتِ حال کا جائزہ لے کر اسمبلی کے اندر فیصلہ کرے گی، اور اگر پی ٹی آئی کو خود بدامنی کا احساس ہوا ہے تو یہ ایک مثبت پیش رفت ہے۔
Alright, 877bet1, eh? Gave it a whirl the other night. Nothing groundbreaking, but it’s a decent place to chuck a few quid around. Worth a look if you’re bored. Here’s the link: 877bet1.
Just checked out 92glory and gotta say, the platform looks pretty solid! Easy to navigate and seems like they’ve got a good selection. Definitely worth checking out if you’re looking for a new spot. Check it out here: 92glory