واشنگٹن(انٹرنیشنل نیوز)امریکی صدر ڈونلڈ ٹرمپ نے ایلون مسک کی حمایت میں نئی برینڈڈ ٹیسلا گاڑی خریدنے کا اعلان کر دیا۔امریکی صدر ڈونلڈ ٹرمپ نے کہا ہے کہ اپنے ڈونر اور قریبی ایڈوائزر ایلون مسک کی حمایت کے طور پر ٹیسلا گاڑی خریدوں گا، ایلون مسک امریکی قوم کیلئے بہترین خدمات دے رہے ہیں۔
انہوں نے کہا ہے کہ وہ الیکٹرک کار فرم ٹیسلا کے حصص میں 15 فیصد سے زیادہ کمی کے بعد ایک نئی برینڈڈ ٹیسلا گاڑی خریدیں گے۔
واضح رہے کہ ٹرمپ کے دوسرے دور حکومت میں اخرجات کم کرنے کیلئے ایڈوائزر بننے والے ایلون مسک کو اپنی پالیسیوں کی وجہ سے شدید تنقید کا سامنا ہے جس سے ٹیسلا کمپنی کو بھی احتجاج، عدالتی فیصلوں اور قانونی مسائل کا سامنا ہے۔
