لاہور(کرائم رپورٹر) سبزہ زار آپریشنز و انویسٹی گیشن پولیس کی مشترکہ کارروائی کرتے ہوئے سوشل سکیورٹی ہسپتال لاہور سے اغواء ہونے والے نومولود مغوی بچے کو21 روز بعد کھاڑک سٹاپ ملتان روڈ سے بحفاظت بازیاب کروا کر بچے کے اغواء میں ملوث ملزمہ فوزیہ بی بی کو اس کے شوہر نعیم کے ہمراہ گرفتارکر لیاہے۔
تفصیلات کے مطابق تھانہ سبزہ زار میں قصور کے رہائشی محمد امیر کی مدعیت میں سوشل سکیورٹی ہسپتال لاہور سے نومولود کے اغواء کا مقدمہ نامعلوم خاتون کیخلاف درج ہوا، جس کے بعد ڈی آئی جی آپریشن و انویسٹی گیشن افسران نے بچے کی بحفاظت بازیابی اور ملزمان کی گرفتاری کے لیے آپریشنز و انویسٹی گیشن پر مشتمل پولیس ٹیمز تشکیل دیں۔
سبزہ زار آپریشنز و انویسٹی گیشن پولیس کی مشترکہ کارروائی کرتے ہوئے سوشل سکیورٹی ہسپتال لاہور سے اغواء ہونے والے نومولود مغوی بچے کو21 روز بعد کھاڑک سٹاپ ملتان روڈ سے بحفاظت بازیاب کروا کر بچے کے اغواء میں ملوث ملزمہ فوزیہ بی بی کو اس کے شوہر نعیم کے ہمراہ گرفتارکر لیاہے۔ ملزمان کو جدید ٹیکنالوجی،ہسپتال اور رکشہ کی فوٹیج کی مدد سے بچے کی تلاش ممکن ہوئی۔ملزمہ نے اعتراف جرم کرتے ہوئے بتلایا کہ میرا بیٹا معذور پیدا ہوا جو فوت ہو گیا تو میں نے نومولود کو اغواء کرنے کا منصوبہ بنایا اور بچے کو اغواء کر کے انڈس ہسپتال لے گئی۔
ملزمہ نے بتایا کہ میں نے اپنے گھر والوں کو بتایا کہ میرا بیٹا پیدا ہواہے۔ ڈی آئی جی انویسٹی گیشن اطہر اسماعیل نے کہا کہ پولیس نے بروقت کاروائی کرتے ہوئے گھناؤنے جرم کے مرتکب ملزمان کو گرفتار کیا اور تمام قانونی تقاضے پورے کرتے ہوئے ملزمان کو قرار واقعی سزا دلوائی جائے گی۔
ڈی آئی جی آپریشنز افضال احمد کوثرنے کہا کہ لاہور پولیس شہریوں کی حفاظت کے لئے تمام تر وسائل،پیشہ ورانہ صلاحیتیں بروئے کار لا رہی ہے۔ اس موقع پر ایس ایس پی انویسٹی گیشن سید حسنین حیدر، ایس پی انویسٹی گیشن صدر ارتضی کمیل بھی موجو تھے۔ ڈی آئی جی آپریشن و انویسٹی گیشن نے کہا کہ اہم ترین کیس ٹریس کرنے پر پولیس افسران، اہلکار شاباش کے مستحق ہیں۔اُنہوں نے سبزہ زار پولیس ٹیم کے لیے تعریفی اسناد کا اعلان بھی کیا
