نیویارک(نیوز رپورٹر)عالمی ادارہ صحت نے کہا ہے کہ سعودی عرب ریاض انٹرنیشنل ہیومینٹیرین فورم کے فریم ورک کے اندر عالمی سطح پر پولیو کے خاتمے کی کوششوں کے لیے 500 ملین ڈالر فراہم کر رہا ہے۔
میڈیارپورٹس کے مطابق صحت عامہ کے فروغ، صحت کے اداروں کو ترقی دینے اور دنیا بھر میں لاکھوں افراد کو زندگی بچانے والی طبی خدمات فراہم کرنے میں اس شعبے کی اہمیت کی وجہ سے سعودی عرب نے صحت کے شعبے کو کم ترقی یافتہ ممالک میں بہت اہمیت دی ہے۔
سعودی عرب نے بل اینڈ میلنڈا گیٹس فانڈیشن کے تعاون سے اسلامی ترقیاتی بینک کے 33 رکن ممالک میں سالانہ 370 ملین بچوں کو پولیو سے بچانے اور لاکھوں لوگوں کو غربت سے نکالنے کے لیے 600 ملین ڈالر سے زیادہ کی رقم فراہم کی ہے، جس میں سے 500 ملین ڈالر پانچ سالوں کے دوران عالمی پولیو کے خاتمے کے اقدام کے لیے مختص کیے گئے ہیں۔
سعودی عرب دنیا بھر کے سب سے زیادہ متاثرہ ممالک کو پولیو سے بچا کے قطرے فراہم کرنے میں اپنا حصہ ڈال رہا ہے۔
