نیوزی لینڈ کے خلاف ون ڈے سیریز میں 0-3 کی کلین سوئپ شکست کے باوجود، قومی ٹیم کے کپتان محمد رضوان نے پی سی بی کے چیئرمین محسن نقوی سے ملاقات کی درخواست کی ہے، جس میں وہ مزید اختیارات کا مطالبہ کریں گے۔ ٹیلی کام ایشیا کی رپورٹ کے مطابق، رضوان اور اسٹار بیٹر بابراعظم جلد پی سی بی کے چیئرمین سے ملاقات کریں گے اور کیویز کے خلاف ٹی20 سیریز سے اپنے ڈراپ ہونے کا معاملہ بھی اٹھائیں گے۔
رپورٹ میں دعویٰ کیا گیا ہے کہ شکستوں کے باوجود رضوان بورڈ سے مزید اختیارات حاصل کرنے کے لیے دباؤ بڑھانا چاہتے ہیں، اور اگر انکار کیا گیا تو وہ استعفیٰ دینے کا عندیہ دے سکتے ہیں۔ ایک سینئر پی سی بی عہدیدار نے بتایا کہ رضوان اور بابراعظم سلیکٹرز کے فیصلے سے مایوس تھے کہ انہیں نیوزی لینڈ کے خلاف 5 میچوں کی ٹی20 سیریز سے ڈراپ کیا گیا تھا۔
میچ پریزنٹیشن کے دوران رضوان نے کہا کہ ٹیم میں تبدیلیوں پر کوئی رائے نہیں دے سکتے کیونکہ یہ ان کا کام نہیں ہے، تاہم انہوں نے کہا کہ ٹی20 کے لیے تبدیلیوں کے بارے میں مشورہ دیا گیا تھا، جو قبول کیا گیا۔
رپورٹ میں یہ بھی کہا گیا ہے کہ رضوان اور ہیڈ کوچ عاقب جاوید کے درمیان پہلے دو میچوں میں پلیئنگ الیون کے انتخاب پر اختلافات تھے۔ رضوان چاہتے تھے کہ 5 ریگولر بولرز کھلائے جائیں، لیکن انہوں نے 4 بولرز اور 10 اوورز کے لیے پارٹ ٹائمرز سلمان آغا اور عرفان خان کو شامل کیا، جس کا نتیجہ مہنگا ثابت ہوا کیونکہ دونوں پارٹ ٹائمرز نے مل کر 118 رنز بنائے۔
