واشنگٹن(انٹرنیشنل نیوز)امریکہ نے کہا ہے کہ پاکستان نے مطلوب ترین دہشت گرد امریکا کے حوالے کیا، امریکی انتظامیہ افغان طالبان کے مسئلے سے آگاہ ہے۔
ترجمان امریکی محکمہ خارجہ ٹیمی بروس نے پریس بریفنگ میں کہاکہ داعش، ٹی ٹی پی اور دیگر دہشت گرد تنظیموں کو افغان طالبان کی سرپرستی حاصل ہے،
امریکی محکمہ خارجہ کی ترجمان ٹیمی بروس نے ہفتہ وار پریس بریفنگ میں فغانستان سے سرگرم دہشت گرد نیٹ ورک کے حوالے سے پاکستان میں بڑھتی ہوئی دہشت گردی کی کارروائیوں پر براہ راست جواب دینے سے گریز کیا۔ پریس بریفنگ کے دوران ٹیمی بروس سے سوال کیا گیا کہ پاکستان میں دہشت گردی کی سرگرمیاں بڑھ رہی ہیں اور گروہ جیسے ٹی ٹی پی، القاعدہ، اور داعش طالبان کے زیر انتظام افغانستان سے کام کر رہے ہیں۔ انہوں نے یہ ذکر کیا کہ پاکستان، جو ایک شراکت دار ملک ہے، نے حالیہ مہینوں میں سیکڑوں شہریوں اور سیکیورٹی اہلکاروں کی جانیں گنوائیں اور ایک انتہائی مطلوب دہشت گرد کو امریکی حکام کے حوالے کیا۔
جواب میں، ٹیمی بروس نے کچھ مسائل، انسانی حقوق کے مسائل، وغیرہ کے بارے میں آگاہی کا اعتراف کیا، لیکن اس پر مزید تبصرہ کرنے سے گریز کیا۔ ۔ انہوں کہا یہ ایک ایسی صورتحال ہے جس میں ہم کچھ مسائل، انسانی حقوق کے مسائل، وغیرہ سے آگاہ ہیں۔ لیکن دوبارہ، یہ ایک سلسلہ ہے اور میں اس پر مزید کچھ کہنا نہیں چاہتی۔ تو میں اس کو واپس لوں گی۔ اگر آپ براہ کرم اجازت دیں تو ہم آگے بڑھیں گے۔
اس کے بعد انہوں نے بریفنگ کا دھیان حزب اللہ پر امریکی پابندیوں کی طرف موڑ دیا اور کہا کہ جو میں اس وقت بات کرنا چاہتی ہوں، وہ یہ ہے کہ میں حزب اللہ پر پابندیوں کے بارے میں بات کرنا چاہتی ہوں۔ مجھے معلوم ہے کہ آپ میں سے کئی افراد اس میں دلچسپی رکھتے ہوں گے۔ تو آئیے، ہم آگے بڑھتے ہیں۔ میں آپ کے سوالات کی سمت متعین نہیں کرنا چاہتی۔انہوں نے کہاکہ جولائی تک یو ایس ایڈ کے مختلف پروگرامز تنظیم نو کا ارادہ رکھتے ہیں۔ٹیمی بروس کا مزیدکہنا تھاکہ کانگریس کو یو ایس پروگرامز کی ترتیب نو سے آگاہ کردیا، امریکا میں حزب اللہ کیلئے فنڈنگ کرنے والے 5 افراد پر پابندی عائد کردی گئی، ایران کی تیل کی فروخت میں مدد کرنے والوں کے خلاف سخت کارروائی کریں گے۔
