لاہور(نمائندہ خصوصی)نگران وزیراعلیٰ پنجاب محسن نقوی نے کہا ہے کہ لاہور میں 291ملی لیٹر بارش ریکارڈ کی گئی،بارش کے باعث 6افراد کی اموات ہوئیں،
ملحقہ آبادی ،غازی ٹاﺅن اور مسلم ٹاﺅن میں بارش کا پانی کافی زیادہ جمع ہو گیا،نہر کے پانی کو کافی حد تک نکالا گیا، ہمار ٹارگٹ جلد از جلد عوام کو ریلیف دینا ہے،بارش کا پانی جلد نکالنا ممکن نہیں، کچھ وقت لگے گا،بارش کے پانی کو جلد نکالنا مشن ہے، آپریشن جاری ہے،بارش کے پانی کو جلد نکالنے کی کوششیں جاری رکھیں گے، بارش کا ایک اور اسپیل رات 9بجے آئے گا،اس سے پہلے نکاسی آب کرلیںگے۔
بدھ کے روز لاہور میں میڈیا سے گفتگو کرتے ہوئے نگران وزیراعلیٰ پنجاب محسن نقوی نے کہا کہ لاہور میں 291ملی لیٹر بارش ریکارڈ کی گئی،بارش کے باعث 6افراد کی اموات ہوئیں، 3افراد بجلی لگنے، 2افراد چھت گرنے اور ایک بچی ڈوبنے کے باعث جاں بحق ہوئے، بارش کے حادثات سے متعلق وزیراعظم نے چیئرمین این ڈی ایم اے کو انکوائری کرنے کی ہدایت کی۔
انہوں نے کہا کہ لاہور میں ملحقہ آبادی اور دیگر مقامات پر نہر کا پانی اکٹھا ہوگیا،غازی ٹاﺅن اور مسلم ٹاﺅن میں بارش کا پانی کافی زیادہ جمع ہو گیا ہے،نہر کے پانی کو کافی حد تک نکالا گیا،ماڈل ٹاﺅن میں بھی بارش کا پانی کافی حد تک اکٹھا ہوگیا،بارش کے پانی کو جلد نکالنے کی کوششیں جاری رکھیں گے،بارش کا پانی جلد نکالنا ممکن نہیں، کچھ وقت لگے گا۔
نگران وزیراعلیٰ نے کہا کہ واسا اور متعلقہ ادارے پوری تندہی کے ساتھ نکاسی آب کےلئے کام کررہے ہیں،134پمپس لگائے ہوئے ہیں،جہاں ضرورت ہے وہاں مہیا کررہے ہیں،بارش کے پانی کو اتنا جلد نکالنا بڑا مشن ہے، اس حوالے سے آپریشن جاری ہے،موجودہ صورتحال کو حل کرنے کےلئے آنے والی حکومت کام کرے گی۔
محسن نقوی نے کہا کہ ہمار ٹارگٹ جلد از جلد عوام کو ریلیف دینا ہے،لاہور کے کئی مقامات پر کمشنر اور ڈی سیز اپنے فرائض سرانجام دے رہے ہیں،وہاں اتنی بری صورتحال نہیں جہاں کمی ہے پوری کررہے ہیں،کئی منصوبے ہیں جو ہمارے ذمے ہیں ہم اسے پوراکریں گے باقی نئی حکومت کرے گی،بارش کے اگلے اسپیل کا بتایا ہے رات 9بجے آئے گا، ایک اور اسپیل آنا ہے اللہ کرے اس سے پہلے نکاسی آب کرلیں
