تہران — ایران نے ایک اور تہلکہ خیز دعویٰ کرتے ہوئے کہا ہے کہ اس نے اسرائیل کا پانچواں ایف-35 اسٹیلتھ لڑاکا طیارہ کامیابی سے مار گرایا ہے۔ ایرانی حکام کے مطابق یہ واقعہ تہران کے جنوب مشرقی علاقے ورامین کے نزدیک پیش آیا، جہاں ایرانی فضائی دفاعی نظام نے دشمن کے جدید طیارے کو نشانہ بنایا۔
سرکاری خبر رساں ادارے مہر اور ارنا کے مطابق، صوبہ تہران کے گورنر حسین عباسی نے بتایا کہ یہ کارروائی ایران کے ہائی ٹیک میزائل ڈیفنس سسٹم کے ذریعے انجام دی گئی، جو مکمل طور پر الرٹ پر ہے۔
ایرانی دعوے کے مطابق، 14 جون سے جاری اسرائیلی فضائی حملوں کے جواب میں اب تک پانچ ایف-35 طیارے تباہ کیے جا چکے ہیں۔ ماہرین کا کہنا ہے کہ ایف-35 دنیا کے سب سے ایڈوانس، خفیہ اور مہنگے جنگی طیاروں میں شمار ہوتا ہے، جسے زمین سے نشانہ بنانا کسی بھی دفاعی نظام کے لیے بہت بڑا چیلنج ہوتا ہے۔
یہ واقعہ مشرقِ وسطیٰ میں جاری کشیدگی کو مزید ہوا دے سکتا ہے، جبکہ اسرائیل کی جانب سے اس دعوے پر تاحال کوئی باضابطہ ردعمل سامنے نہیں آیا
