انسداد دہشت گردی عدالت راولپنڈی نے 26 نومبر کو ڈی چوک احتجاج کے مقدمات میں گرفتار پی ٹی آئی کے 76 کارکنوں کی ضمانتیں منظور کرتے ہوئے انہیں فوری رہا کرنے کا حکم دے دیا۔ یہ تمام کارکنان ضلع اٹک کے مختلف کیسز میں زیر حراست تھے اور اٹک جیل میں قید تھے۔ عدالت کے جج امجد علی شاہ نے سماعت کے بعد ضمانتیں منظور کیں اور رہائی کے لیے روبکار جاری کیے گئے، جو جلد اٹک جیل پہنچ کر ان کی رہائی کو ممکن بنائیں گے۔ اس فیصلے کے بعد کارکنان آج اپنی رہائی کے بعد اپنے گھروں کو واپس جائیں گے۔ عدالت کا یہ اقدام احتجاجی کارکنوں کے حق میں ایک اہم پیش رفت سمجھا جا رہا ہے۔
