کراچی (کامرس رپورٹر )پاکستان اسٹاک ایکسچینج میں زبردست تیزی کا رجحان ، انڈیکس نے ایک مرتبہ پھر ایک لاکھ ، 15 ہزار کی حد عبور کر لی۔
کاروباری ہفتے کے دوسرے روز اسٹاک مارکیٹ میں کاروبار کا مثبت آغاز ہوا ،کاروبار کے آغاز پر 100 انڈیکس میں 1513 پوائنٹس کا اضافہ ہوا جس سے انڈیکس ایک لاکھ 15 ہزار843 پوائنٹس پر پہنچ گیا۔ گزشتہ روز اسٹاک مارکیٹ میں ہنڈرڈ انڈیکس ایک لاکھ 14 ہزار 330 پوائنٹس کی سطح پر بند ہوا تھا اور 18 ارب 75 کروڑ 3 لاکھ 30 ہزار 856 روپے مالیت کے 21 کروڑ 40 لاکھ 98 ہزار 48 شیئرز کا لین دین ہوا۔
دوسری جانب ڈالر کی قیمت میں اتار چڑھاﺅ کا سلسلہ جاری ہے ، ایکسچینج کمپنیز ایسوسی ایشن کے مطابق انٹر بینک میں ڈالر 6 پیسے سستا ہو گیا جس کے بعد ڈالر کی قیمت 279 روپے 60 پیسے ہو گئی۔
