لاہور (تعلیم ڈیسک)یونیورسٹی آف انجینئرنگ اینڈ ٹیکنالوجی لاہور میں سالانہ کیریئر فیئر2023ء کا انعقاد کیا گیا۔
کیریئرفیئر میں وائس چانسلر یو ای ٹی لاہور پروفیسر ڈاکٹر سید منصورسرورنے بطور مہمان خصوصی شرکت کی اور ربن کاٹ کر تقریب کا افتتاح کیا۔ انہوں نے کنوینرکیریئرفیئرپروفیسر ڈاکٹر نوید رمضان ، کو آرڈینیٹرکیریئر فیئر پروفیسر ڈاکٹر آصف علی قیصراور انکی ٹیم کے ہمراہ اسٹالز کا دورہ کیا ۔ یو ای ٹی گذشتہ 9 سال سے سالانہ کیریئر فئیر کا اہتمام کررہی ہے۔
سال 2015 میں 20 کمپنیز کے 20 اسٹالز سے میلے کا آغاز کیا گیاتھا۔ 2016 میں اسٹالز کی تعداد 65، 2017 میں 100 جبکہ 2019 میں 114 ہوگئی تھی۔ 2020 سے 2022 تک بالترتیب 130،111 اور 161 اسٹالز تک پہنچ گئی۔افتتاحی تقریب میں وائس چانسلر سمیت بزنس کمیونٹی اور تدریسی و انتظامی سٹاف نے شرکت کی۔واضح رہے کہ صنعتی میلے میں 111 کمپنیز نے 175 اسٹالز لگائے۔ان کمپنیوں میں سافٹ ویئراور آئی ٹی،کیمیکل اور پولیمر،ٹیکسٹائل ،کنسٹرکشن،اسٹیل،اور ایجوکیشنل کنسلٹنٹ وغیرہ شامل ہیں۔ مختلف کمپنیزنے اسٹالز پر طلبا کو ملازمت اور انٹرن شپ آفر کیںجبکہ 20 سے زیادہ کمپنیز نے ہال میں ٹیسٹ بھی کئے۔
متعدد کمپنیوں نے طلباء کیلئے تعارفی سیشن کا انعقادبھی کیا۔8 ہزار سے زائدطلباء نے کیریئر فیئر میں حصہ لیا۔ افتتاحی تقریب میں کمپنیوں کے نمائندوں، ڈینز، اساتذہ اور طلباء و طالبات کی کثیر تعدادنے شرکت کی۔وائس چانسلر یو ای ٹی ڈاکٹر منصور سرورنے کیریئر فیئر کے کامیاب انعقاد پرڈاکٹر نوید رمضان اور ڈاکٹر آصف علی قیصر اور انکی ٹیم کو سراہا۔ کیریئر فیئر کے اختتام پرخصوصی تقریب کا انتظام کیا گیا۔آخر میں شرکائ، کمپنیوں کے نمائندوں اور منتظمین کو یادگاری شیلڈ بھی پیش کی گئی۔