واشنگٹن (انٹرنیشنل نیوز )یوکرین کے مسئلے پرمذاکرات کل (منگل کو) سعودی دارالحکومت ریاض میں شروع ہونے کاامکان ہے جبکہ امریکی صدرٹرمپ نے کہا کہ یوکرین میں امن قائم کرنے کے لیے سخت محنت کررہے ہیں ۔
میڈیارپورٹس کے مطابق صحافیوں سے گفتگو کرتے ہوئے صدر ٹرمپ نے کہا کہ صدرزیلنسکی روس یوکرین امن مذاکرات کا حصہ ہوں گے، روسی ہم منصب سے جلد ملاقات کا امکان ہے، امریکا کی اعلی قیادت روسی حکام سے یوکرین جنگ کے خاتمے پرمذاکرات کرنے جارہی ہے۔انہوں نے کہا کہ پیوٹن امن کیلئے سنجیدہ ہیں یا نہیں؟ جلد طے ہوگا، فی الوقت یوکرین جنگ ختم کرنے کا کوئی طریقہ عمل میں نہیں، ابھی مزید بات چیت سے سامنے آئے گا کہ کیا طریقہ عمل ہوگا، ابھی یہ معلوم نہیں کہ روس کی طرف سے بات چیت میں کون شریک ہوگا۔
امریکی وزیر خارجہ روسی حکام سے ملاقات کیلئے سعودی عرب روانہ، یوکرین جنگ خاتمے پر روس اور امریکا کے حکام کی سعودی عرب میں بات چیت ہوگی۔ دوسری جانب امریکی وزیر خارجہ مارکو روبیو نےکہا ہےکہ روسی صدر پیوٹن امن کے لیے سنجیدہ ہیں یا نہیں یہ اگلے چند دن طے کریں گے۔
امریکی ٹی وی سے گفتگو میں مارکو روبیو کا کہنا تھا کہ فی الوقت یوکرین جنگ ختم کرنے کا کوئی طریقہ عمل میں نہیں ہے، ابھی مزید بات چیت سے سامنے آئے گا کہ کیا طریقہ عمل ہوگا۔ ادھر امریکی وزیر خارجہ روسی حکام سے ملاقات کے لیے سعودی عرب چلے گئے جب کہ یوکرین جنگ خاتمے پر روس امریکا بات چیت میں یوکرین کو مدعو نہیں کیا گیا۔یوکرین کے مسئلے پرمذاکرات کل(منگل کو) سعودی دارالحکومت ریاض میں شروع ہونے کاامکان ہے۔
