لاہور ( ایجوکیشن ڈیسک) یونیورسٹی آف انجینئرنگ اینڈ ٹیکنالوجی لاہور کے سول انجینئرنگ ڈیپارٹمنٹ نے اے سی آئی ایوارڈ2022 برائے طلبا کی سرگرمیاں جیت کرایک بڑا سنگ میل عبور کرلیا ۔
ڈیپارٹمنٹ کو ایوارڈ سے نوازنے کا اعلان رواں برس امریکن کنکریٹ انسٹی ٹیوٹ کے سالانہ کنونشن میں سان فرانسسکو میں اے سی آئی اسٹوڈنٹ ایوارڈ پروگرام کے دوران کیا گیا ۔یہ ایوارڈ ڈیپارٹمنٹ کی کامیابی اور اسکے طلبا میں انوویشن اور آگے بڑھنے کے عزم کا منہ بولتا ثبوت ہے ۔ ڈیپارٹمنٹ اپنے طلبا کی غیر معمولی تخلیق سرگرمیوں کے فروغ میں کردار ادا کر رہا ہے اور اے سی آئی ایوارڈ اس کامظہر ہے ۔
یہ ایوارڈ محکمہ کی فضیلت اور اس کے طلبا میں جدت اور ترقی کی ثقافت کو فروغ دینے کے عزم کا ثبوت ہے۔سول انجینئرنگ ڈیپارٹمنٹ ریسرچ پروجیکٹس، ڈیزائن کے مقابلے، کمیونٹی سروسز، ور تکنیکی ورکشاپ سمیت متعدد سرگرمیوں کے ذریعے طلبا کی صلاحیتوں کو پروان چڑھاتا ہے ۔ سول انجینئرنگ ڈیپارٹمنٹ نے ایک بار پھر پاکستان کے انجینئرنگ کے میدان میں ایک سرکردہ تعلیمی ادارے کے طور پر اپنی پوزیشن کو ثابت کیا ہے۔
اس ایوارڈ کے حصول پر وائس چانسلر پروفیسر ڈاکٹر حبیب الرحمان نے چیئرمین سول انجینئرنگ ڈیپارٹمنٹ پروفیسر ڈاکٹر خالد فاروق اور ڈاکٹر اظہر سلیم، ایسوسی ایٹ پروفیسر آف سول انجینئرنگ کی کاوشوں کو خراج تحسین پیش کیا۔
