اسلام آباد (نمائندہ خصوصی)مسلم لیگ کے رہنما وسینیٹر عرفان صدیقی نے کہا ہے کہ ہمارے ملک میں اقتصادیت روزبروز کیوں زوال پذیر ہورہی ہے ، ملک کی ترقی کی راہ پر کون چلنے نہیں دے رہا ،
اس سلسلے میں سینیٹ کی ایک کمیٹی بنائی جائے جو گزشتہ تیس سالوں کا ریکارڈ مرتب کرے ، ہم قانون توڑنے والوں کو طلب کرسکتے ہیں اور نہ ہی سزادے سکتے ہیں لیکن ان کا اسباب کاجائزہ لینا چاہیے کہ وملک ترقی کی راہ پر دوڑتے دوڑتے یکدم کھائی کی طرف گر جاتا ہے ،
ان خیالات کا اظہار انہوں نے سینیٹ میں اظہار خیال کرتے ہوئے کیا ،پروفیسر عرفان صدیقی نے کہا کہ ملک کو متفقہ آئین دینے والے کو پھانسی پر چڑھا دیا گیا جبکہ ملک کو ایٹمی طاقت بنانے والے کو جیل کی کھال کھوٹڑی میں رکھا گیا ، انہوں نے کہا کہ میں پوائنٹ سکورنگ نہیں کرنا چاہتا سیاست سے بالا تر ہوکر کہنا چاہتوں کہ ان کا اسباب کا جائزہ لینا ہوگا 9سال تک ملک پر حکمرانی کرنے والے آمر مشرف نے آئین کا مذاق بنایا کسی کی جرات نہیں تھی اس سے سزا دیتا جب عدالت نے اس سے سزا سنائی تو وہ آرام سے چلتا ہوا چک شہزاد میں اپنے محل میں چلا گیا اور حالات کی ستم ظریفی یہ ہے کہ اس کے محل کو سب جیل قرار دیدیا گیا یہی گلہ عمران خان کو ہے کہ انہیں کام نہیں کرنے دیا گیا ان کی راہ میں روڑے اٹکائے گئے اور نہ ہی احتساب کرنے دیا گیا ،سینیٹ میں قائد حزب اختلاف
سینیٹر وسیم سجاد نے جواب دیتے ہوئے مسلم لیگ پر الزامات کی بھر پور بارش کردی انہوں نے کہا کہ جنرل جیلانی کی نرسری سے پیدا ہونے والا پودا اور ملک کو لوٹ مار کرنے والے اب جمہوریت کے دعویدار بن رہے ہیں ایون فیلڈ ہو یا ملک میں لوٹ کھسوٹ مجرموں کو عدالت نے سزاسنائی لیکن وہ بہانہ بناکر لندن چلے گئے ، انہوں نے کہا میں تاریخی ریکارڈ درست کرنا چاہتا تھا استاد محترم سے گستاخی پر محمول نہ کریں ،
پیپلزپارٹی کے رہنمامولابخش چانڈیو نے اظہار خیال کرتے ہوئے کہ میں کھوٹڑی پلاور پلانٹ کرنے پر بات کرنا چاہتا تھا جس سے سابقہ دور میں سازش کے ذریعے بند کیا جارہا تھا لیکن اب موجودہ دور میں اس سے بند کرنے کی سازشیں ہورہی ہے ، انہوں نے کہا کہ سندھ کے عوام کا کیا قصور ہے کہ انہیں بجلی فراہم نہ کی جائیں انہوں نے وسیم سجاد کے سوال کے جواب دیتے ہوئے کہا کہ محترم عرفان صدیقی نے کوئی ایسی بات نہیں کہی جس پر اعتراض کیا جاتا لیکن لوگ ہر آمر کے چتھری کے پیچھے کھڑے ہونے والے اور آمروں کے گیت گانے والے اب جمہوریت کے بارے میں دعویدار ہیں، توشہ خانہ ہو یا ددیگر سکینڈل اس پر بھی بات کرنے کی جرات کریں۔
