ہماری نظر پورے ایونٹ پر ہے، ابھی تک ٹیم میں کوئی ڈسکشن نہیں ہوئی بھارت کیساتھ کیسے کھیلنا ہے’ نسیم شاہ

کراچی (سپورٹس رپورٹر)قومی کرکٹ ٹیم کے فاسٹ بالر نسیم شاہ نے کہا ہے کہ ہماری نظر پورے ایونٹ پر ہے، ابھی تک ٹیم میں ایسی کوئی ڈسکشن نہیں ہوئی کہ بھارت کے ساتھ کیسے کھیلنا ہے، پاک بھارت میچ میں دونوں ٹیموں پر دبائو ہوگا۔

میڈیا سے گفتگو کرتے ہوئے انہوں نے کہاکہ پوری دنیا میں دیکھیں تو فاسٹ بائولر کی سپیڈ 140 تک ہوتی ہے، چند ایسے بولرز ہیں جنہوں نے اس کو برقرار رکھا ہے۔ انہوں نے کہا کہ ان وکٹوں پر اچھی لائن لیتھ پر بولنگ کرنا ہدف ہو گا، فاسٹ بولر ہو یا اسپنر سب کا اپنا کردار ہوتا ہے۔

انہوں نے کہا کہ ہماری نظر پورے ایونٹ پر ہے، ابھی تک ٹیم میں ایسی کو ڈسکشن نہیں ہوئی کہ بھارت کے ساتھ کیسے کھیلنا ہے، پاکستان اور بھارت میچ میں دونوں ٹیموں پر دبائو ہوگا، ماضی میں بہت قریب جاکر میچ ہارے ،کوشش ہوگی غلطیاں نہ دہرائیں۔

انہوںنے کہاکہ پچھلی دو تین سیریز میں فاسٹ بولرز نے اچھی بولنگ کی، خود پر یقین ہے اپنا بیسٹ دیں گے، پچھلے میچ میں بولنگ اچھی نہیں ہوسکی، جب آپ پرفارمنس دیتے ہیں تو سب غلطیاں چھپ جاتی ہیں، یقین ہے کہ اس ایونٹ میں اچھی بولنگ کریں گے۔نسیم شاہ نے کہا کہ اسٹیڈیم بہت اچھے بنے ہیں ،جو بھی ٹیم بنی ہے وہ بیسٹ ہے، آخری دو سیریز میں پرفارمنس اتنی اچھی نہیں تھی، امید کرتا ہوں پرفارمنس اچھی ہوں گی.

فاسٹ بولرز اچھی لائن لینتتھ پر بولنگ کرکے ٹیم کو آئوٹ کرسکتے ہیں، ہر میچ سے سیکھنے کو ملتا ہے۔انہوںنے کہا کہ ٹیم کے طور پر دیکھتے ہیں کہ کون سی غلطیاں ٹھیک کرنی ہیں، کوشش کریں گے کہ کراچی میں دوسرا میچ جیتیں، ٹیم پر اعتماد ہے، نتائج اچھے ہوں گے، کچھ غلطیوں سے میچ چلے جاتے ہیں۔