صلالہ (سپورٹس ڈیسک)عمان کے شہر صلالہ میں فائیو سائیڈ ایشیا ہاکی کپ میں پاکستان نے اپنے چوتھے میچ میں عمان کو 4 کے مقابلہ میں 9 گول سے شکت دیدی۔
پاکستان کے محمد عبداللہ کو مین آف دی میچ کا ایوارڈ دیا گیا۔پاکستان کی جانب سے کپتان راناعبدالوحید اشرف نے 5 گول، ارشد لیاقت نے 2 گول، محمد عبداللہ نے 1 گول، ذکریا حیات نے 1 گول سکور کیا۔
پاکستان فائیو سائیڈ ہاکی ٹیم کی کوچنگ کے فرائض ہیڈ کوچ عالمی ہاکی کپ گولڈ میڈلسٹ پرائیڈ آف پرفارمنس اولمپین وسیم فیروز سرانجام دے رہے ہیں جبکہ ٹیم مینجر میجر ر محمد شاہنواز خان اپنی پیشہ ورانہ ذمہ داریاں سرانجام دے رہے ہیں۔
پاکستان فائیو سائیڈ ہاکی ٹیم میں گول کیپرز میں عبداللہ اشتیاق خان، علی رضا، ڈیفینڈر میںمحمد عبداللہ، مڈ فیلڈز میںاحتشام اسلم، محمد مرتضی یعقوب، سٹرائکرز میںارشد لیاقت، ذکریا حیات، رانا عبدالوحید اشرف، عبدالرحمن اور عبدالوہاب شامل ہیں۔فائیو سائیڈ ایشیا کپ میں 11 ٹیمیں شرکت کررہی ہیں جس میں پاکستان، انڈیا، افغانستان، انڈونیشیا، ایران، جاپان، بنگلہ دیش، ہانگ کانگ چائینہ، قازقستان، مالئشیا اور میزبان ملک عمان کی ٹیمیں شامل ہیں۔
