بیجنگ (نیوز ڈیسک) ہانگ کانگ اور چائنیز مین لینڈ کے درمیان لوگوں کی آزادانہ نقل و حمل کو مکمل طور پر بحال کر دیا گیا ہے۔ چائنیز مین لینڈ اور ہانگ کانگ کی تمام کسٹم کلیئرنس بندرگاہوں پر کوئی کوٹہ نہیں ہے ، اور کسی بھی پیشگی اجازت کی ضرورت نہیں ہے۔
بلومبرگ نے کہا کہ یہ ہانگ کانگ کی معیشت اور سیاحت کی بحالی کی کوششوں کا حصہ ہے۔ جیسا کہ ہانگ کانگ کے سرکاری عہدیداروں نے کہا ، کاسموپولیٹن شہر "واپس” آ گیا ہے۔ بین الاقوامی رائے عامہ کا خیال ہے کہ مستقبل میں ہانگ کانگ چائنیز مین لینڈ اور باقی دنیا کو جوڑنے میں اپنے منفرد فوائد کو بہتر طریقے سے ادا کرے گا۔
گزشتہ عرصے میں وبا کا ہانگ کانگ کی معیشت پر کافی اثر پڑا ہے۔ چین کی وبائی امراض کی روک تھام کی پالیسیوں اور وبائی صورتحال میں تبدیلیوں کے ساتھ ، ہانگ کانگ اورچائنیز مین لینڈ نے بالآخر مکمل کسٹم کلیئرنس کا آغاز کردیا ہے۔ اس سے ہانگ کانگ کے شہریوں کی معاشی بحالی کی توقعات وابستہ ہیں۔ سی این این کی ویب سائٹ نے گولڈ مین ساکس کے تجزیہ کار کی رپورٹ کا حوالہ دیتے ہوئے کہا ہے کہ اس سال ہانگ کانگ کی شرح نمو 3.5 فیصد تک پہنچنے کی توقع ہے۔
ہانگ کانگ کی طرف دنیا کی توجہ اس حقیقت پر ہے کہ ہانگ کانگ ایک بین الاقوامی مالیاتی، شپنگ اور تجارتی مرکز ہے، اور چائنیز مین لینڈ کو "دکھانے ” کے لئے ایک کھڑکی اور "باہر جانے” کے لئے ایک پل ہے. ہانگ کانگ کی معیشت جتنی توانا ہوگی دنیا کو اتنے ہی مزید مواقع میسر آئیں گے۔ ہانگ کانگ کے کاروباری افراد نے نشاندہی کی کہ مکمل کسٹم کلیئرنس اور ہانگ کانگ کی معیشت کی بتدریج بحالی کے ساتھ ، ہانگ کانگ میں غیر ملکی سرمایہ کاری میں اضافہ ہوگا ، اور ہانگ کانگ میں فنانسنگ اور بیرون ملک تجارت کے لئے چائنیز مین لینڈ انٹرپرائزز کی طلب میں بھی تیزی سے اضافہ ہوگا۔
