دبئی (سپورٹس نیوز)بھارتی کرکٹ ٹیم کے جارحانہ بلے باز ہاردک پانڈیا کا ادھورا خواب پورا ہو گیا۔آئی سی سی چیمپئنز ٹرافی 2025 کا فائنل اپنے نام کرنے کے بعد بھارتی آل روانڈر ہاردک پانڈیا نے دبئی کرکٹ اسٹیڈیم میں صحافیوں کے ساتھ گفتگو کی۔
انہوں نے کہا کہ پاکستان کا سفر کرنے یا نہ کرنے کا فیصلہ کرکٹر کے اختیار سے باہر کا معاملہ ہے، لیکن امید ہے کہ پاکستانیوں نے دبئی میں کرکٹ کو انجوائے کیا ہو گا۔
بھارتی بیٹسمین نے کہا کہ چمپئینز ٹرافی کی جیت ایک ادھورا خواب تھا جو پورا ہو گیا۔ہاردک پانڈیا نے چیمپئنز ٹرافی 2017 کی شکست کو یاد کرتے ہوئے کہا کہ 8 سال ایک طویل عرصہ ہوتا ہے لیکن اس بار فائنل کی جیت پر پورے بھارت میں جشن کا سماں ہو گا، یہ کامیابی عوام کے لیے ہمارا تحفہ ہے۔
