کراچی (شوبز ڈیسک)معروف اداکارہ و گلوکارہ فضاعلی نے نجی ٹی وی پروگرام میں اپنے ساتھ ہونے والے واقعات کا کھل کر ذکر کیا۔
اینکر نے سوال کیاکہ آپ نے بہت سے گلوکاروں کے ساتھ گانے گائے ہیں جنہوں نے آپ کو معاوضہ نہیں دیا آپ ان کی رپورٹ کیوں نہیں کرتیں ؟ فضا علی نے کہامیں انہیں دل سے رپورٹ کرنا چاہتی ہوںکسی نے میرا خیال نہیں رکھا نہ کسی نیمیرے بارے میں سوچا میں اس طرح کے شو میں بیٹھا کرتی تھی جہاں گلوکار مہمان بن کر آتے تھیوہ مجھ سے ان کے ساتھ گانے کی درخواست کرتے تھے میں نے کبھی گانے کے حوالے سے کوئی احسان نہیں چاہا لیکن پھر بھی میں نے ان کے لیے گایا۔
فضا علی نے مزید کہا کہ میں نے راحت فتح علی خان اور شیراز اپل کے ساتھ گایا ہے مجھے کبھی نہیں معلوم تھا کہ میرا گراف اس طرح نیچے جائے گا میں یہاں ذیشان روکھڑی کا نام لوں گ، میں نے ان کے ساتھ بہت گانے گائے میں انہیں بھائی سمجھتی تھی۔ لیکن اس نے مجھے ریکارڈ پر کبھی بہن قرار نہیں دیا۔
اداکارہ نے کہاکہ میں ایک بیٹی کی ماں تھی اس نے یہ واضح نہیں کیا کہ میں اس کی بہن جیسی ہوں دوسری بات اس نے مجھے میرے پیسے نہیں دیے۔ ملکو نے بھی مجھے معاوضہ نہیں دیا میں نے ملکو کے ساتھ بہت سے گانے گائے ہیںاس نے میری ادائیگی جاری کرنے کا وعدہ کیا تھا لیکن اس نے مجھے ادائیگی نہیں کی۔ میں مایوس ہو گئی تھی اور میں نے ایک سال کے لیے گانا چھوڑ دیا۔
