وزیراعظم شہباز شریف صدر رجب طیب اِردوان کی دعوت پر ترکیہ کے دو روزہ دورے پر روانہ ہو گئے ہیں، جہاں وہ انقرہ میں قیادت کی سطح پر اہم معاملات پر بات چیت کریں گے۔
اس دورے میں دونوں رہنما دوطرفہ تعلقات، علاقائی صورتحال اور عالمی پیش رفت پر تبادلہ خیال کریں گے۔ یہ ملاقات دونوں ممالک کے مابین جاری اسٹریٹجک شراکت داری اور قریبی سفارتی روابط کا تسلسل ہے۔
اس دورے میں وزیراعظم کے ہمراہ نائب وزیراعظم اسحاق ڈار، وزیر اطلاعات عطا اللہ تارڑ اور معاون خصوصی طارق فاطمی بھی موجود ہیں۔
