کور کمانڈر ہاﺅس پر حملہ،انصاف نہ ہوا تو حکومت کے گلے پڑ جائے گا، شیخ رشید

راولپنڈی(نمائندہ خصوصی)سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ پوری قوم کور کمانڈر ہاﺅس پر حملے کی مذمت کرتی ہے لیکن اگر انصاف نہ ہوا تو یہ حکومت کے گلے پڑے گا،،

ووٹ عمران خان کا باقی سب جمعہ بازار ہے، ٹوئٹر پر اپنے پیغام میں شیخ رشید احمد نے کہا کہ 13جماعتوں کی سیاست موذی کورونا بیماری ہے، جو دبا ﺅمیں بکے گا وہ بکاﺅ مال کہلائے گا اور کوڑا دان میں جائے گا،

چڑھتے سورج کی پوجا اور پارٹیاں بدلنے کی عدت پوری نہ کرنا، چلے ہوئے کارتوس عوام میں قابل نفرت ہیں،ان کا کہنا تھا کہ انتقام کی آگ مزید نہ پھیلائی جائے، میرے سٹاف بلال طارق کو کل 10جھوٹے سنگین مقدمات میں جیل بھیج دیا ہے، گھروں پر چھاپہ مارنے والے ماﺅں بہنوں کے سروں پر ہاتھ رکھیں اور ان کی تضحیک اور تذلیل نہ کریں،

مائیں بہنیں بیٹیاں سب کی سانجھی ہوتی ہیں، چادر اور چاردیواری کا احترام کیا جائے،انہوں نے کہا کہ پاکستان سنگین اقتصادی بحران میں داخل ہوگیا ہے، بجٹ سے پہلے سیکرٹری خزانہ تبدیل کر دیا گیا، زرمبادلہ کے ذخائر کم، آٹا نایاب، اقتصادی تباہی اور سیاسی عدم استحکام ہے، پی ٹی آئی پرپابندی آرمی ایکٹ اور فوجی عدالتوں کا قیام سیاسی انتقام کم عقلی اور ذہنی پستی ہوگی، ووٹ عمران خان کا باقی سب جمعہ بازار ہے۔