لاہور(نمائندہ خصوصی) کرونا وائرس کے خلاف فرنٹ لائن پر فرائض ادا کرنے والے ڈاکٹرزاور پیرامیڈیکل سٹاف کو لاہور پولیس نے سلامی دی۔
گنگا رام ہسپتال لاہور میں سلامی کی تقریب ہوئی جس میں ایس پی ڈولفن عائشہ بٹ سمیت ایس پی سول لائنز دوست محمد اور ہسپتال میں موجود ڈاکٹرز اور پیرامیڈیکل سٹاف موجود تھا۔
ڈولفن فورنس کے گارڈز نے ایس پی ڈولفن و ایس پی سول لاہن کی قیادت میں ڈاکٹرز کو سلامی پیش کی اور ڈاکٹرز کو گلدستے پیش کیے۔
ایس پی ڈولفن عائشہ بٹ نے کہا کہ ڈاکٹرزاور پیرامیڈیکل سٹاف کی گراں قدر خدمات کو خراج تحسین پیش کرتے ہیں انہوں نے کہا کہ پولیس بھی ڈاکٹرز کے ساتھ ساتھ کرونا کے خلاف جنگ لڑ رہی ہے ڈاکٹرز کو سلام پیش کرنا ہمارے لیے اعزاز کی بات ہے
ڈاکٹرز نے کہا کہ لاہور پولیس بی ڈاکٹرز کی شانہ بشانہ کھڑی ہے۔پولیس کامورال کسی طور بھی کم نظر نہیں آتا پوری قوم کو ملکر کر اس مشکل وقت کا سامنا کرنا ہے۔انشااللہ ہم سب ملکر کورونا کے خلاف یہ جنگ ضرور جیتیں گے۔