کراچی (ایجوکیشن ڈیسک) ڈاؤ یونیورسٹی آف ہیلتھ سائنسز نے جامعات کی رینکنگ کی بین الاقوامی دوڑ میں پہلی مرتبہ 201 کیٹگری کی ٹاپ پوزیشن حاصل کرتے ہوئے صوبہ سندھ کی بہترین یونیورسٹی ہونے کا اعزاز بھی حاصل کرلیا۔
عالمی درجہ بندی کرنے والے ادارے دی ٹائمز ہائر ایجوکیشن ورلڈ یونیورسٹی رینکنگ نے سال 2023 کی ایشیائی درجہ بندی میں ڈا یونیورسٹی آف ہیلتھ سائنسز کو 201-250 رینج کی رینکنگ میں شامل کرلیا ہے۔ وائس چانسلر پروفیسر محمد سعید قریشی کی دوراندیش قیادت کے نتیجے میں ڈا یونیورسٹی آف ہیلتھ سائنسز عالمی درجہ بندی میں پاکستان کی تیزی سے ابھرتی ہوئی جامعات میں شامل ہے۔
یاد رہے کہ گزشتہ برس اکتوبر میں عالمی درجہ بندی 601-800 پوزیشن حاصل کی تھی۔ یہ پوزیشن دنیا کے 1799 اداروں کے درمیان حاصل کی گئی تھی، جبکہ 2022 کی کیو ایس ایشیا رینکنگ میں بھی ڈا یونیورسٹی خطے کے عمیق تحقیق کے اداروں میں سے ایک کے طور پر شامل ہوئی تھی۔ "دی وور” میں ریسرچ آٹ پٹ بھی ایک انڈیکیٹر (اشاریہ) کے طور پر شامل تھا۔ اس کے علاوہ پہلا اشاریہ سائیٹیشن (citation) دوسرا انڈسٹری انکم ( صنعتوں سے گرانٹ) اور آخر میں بین الاقوامی آٹ لک یعنی بین الاقوامی مفاہمتوں کی تعداد تھا۔
"دی وور” کے مطابق ڈا یونیورسٹی کے طلبہ و طالبات کا تناسب 76:24 ہے (یعنی 76 فیصد لڑکیاں اور 24 فیصد لڑکے ہیں) اور اوسط 6.8 طالب علم فی عملے کی تعیناتی انتہائی اطمینان بخش ہے۔ ڈا یونیورسٹی کے وائس چانسلر پروفیسر محمد سعید قریشی نے اظہارِ مسرت کرتے ہوئے کہا کہ صوبہ سندھ کی جامعات میں ٹائمز ہائر ایجوکیشن رینکنگ کی ایشیائی درجہ بندی 2023 میں ٹاپ 201 اور صوبے میں پہلی پوزیشن حاصل کرنا قابل فخر لمحہ ہے۔ درحقیقت ڈا یونیورسٹی نے تعلیمی میدان میں نئی بلندیوں کو چھوا ہے۔ دنیا کی باوقار درجہ بندی ٹائمز ہائر ایجوکیشن ایشیا یونیورسٹی 2023 میں شمولیت ہمارے طبی تعلیم کے عزم کو عالمی سطح پر تسلیم کیا جانا ہے۔
ڈائریکٹر کوالٹی انہانسمنٹ سیل ڈاکٹر صنم سومرو نے کہا کہ ڈا یونیورسٹی سندھ کی واحد یونیورسٹی ہے جو ایشیائی درجہ بندی 2023 کی 201-250 کیٹگری میں شامل ہوئی ہے۔ "دی وور” میں حالیہ پوزیشن وائس چانسلر پروفیسر محمد سعید قریشی کی دوراندیش قیادت کے نتیجے میں حاصل ہوئی۔ یاد رہے کہ ڈا یونیورسٹی نے یونیورسٹی کا درجہ تو 2004 میں حاصل کیا تاہم جس طبی کالج کی بنیاد پر اسے یونیورسٹی کا درجہ ملا اس کالج کی سنگ بنیاد 10 دسمبر 1945 کو صوبہ سندھ کے گورنر سر ہیو ڈا نے رکھا تھا۔
