ممبئی(شوبز ڈیسک)سْپر اسٹار کاجول ایک بار پھر بالی ووڈ کی سپر ہٹ فلم ”کچھ کچھ ہوتا ہے” کی انجلی بن گئی ہیں
جس کی ویڈیو سوشل میڈیا پر وائرل ہورہی ہے۔سپر ہٹ فلم ”کچھ کچھ ہوتا ہے” کی ریلیز کو 25 برس مکمل ہوگئے ہیں، ایسے میں فلم میں انجلی کا مرکزی کردار ادا کرنے والی اداکارہ کاجول اپنے مداحوں کو ایک بار پھر ماضی کی یادوں میں لے گئی ہیں۔
کاجول نے اپنے آفیشل انسٹاگرام ہینڈل پر نئی ویڈیو پوسٹ کی ہے جس میں وہ ”کچھ کچھ ہوتا ہے” کی انجلی کے روپ میں ہیں، اداکارہ نے فلم کی 25ویں سالگرہ کے موقع پر یہ ویڈیو بنائی اور ماضی کی یاد تازہ کردی۔اداکارہ نے ویڈیو پوسٹ کرتے ہوئے کہا کہ ‘میں 25 برس پیچھے چلی گئی ہوں لیکن مجھے فٹبال نہیں مل سکی۔اْنہوں نے کہا کہ ‘اس فلم کے ساتھ بہت ساری یادیں اور محبتیں جْڑی ہوئی ہیں، مجھے خوشی ہے کہ ہر کوئی میری طرح اس فلم کو آج بھی بہت پسند کرتا ہے’۔
واضح رہے کہ کرن جوہر کی ہدایت کاری میں بننے والی پہلی فلم ”کچھ کچھ ہوتا ہے” 1998 میں ریلیز ہونے والی کامیاب ترین فلموں میں سے ایک تھی، اس فلم میں شاہ رخ خان، رانی مکھرجی اور کاجول نے مرکزی کردار ادا کیے تھے۔
