بیجنگ (نیوز ڈیسک)سی پی سی کی مرکزی کمیٹی کے سیاسی بیورو کے رکن ، مرکزی دفتر امور خارجہ کے سربراہ وانگ ای نے چین کے شہر چھینگ ڈاؤ میں منعقدہ چین۔جاپان۔ جنوبی کوریا تعاون بین الاقوامی فورم 2023 کی افتتاحی تقریب سے خطاب کیا ۔
انہوں نے اس بات پر زور دیا کہ ہمیں باہمی احترام پر قائم رہنا چاہئے اور ہم آہنگی سے رہنا چاہئے۔ گزشتہ چند دہائیوں میں چین، جاپان اور جنوبی کوریا نے پرامن ترقی کے تصور کر برقرار رکھتے ہوئے پائیدار ترقی کے ساتھ جدیدکاری کے عمل کو کامیابی سے آگے بڑھایا ہے ۔
تینوں ممالک ایک دوسرے کے بنیادی مفادات کا احترام کرتے ہیں اور اپنے منتخب کردہ راستے کو سمجھتے ہیں ۔ چین اپنی پرامن ترقی کے ذریعے خطے اور دنیا میں دیرپا امن کو فروغ دینا جاری رکھے گا۔ ہمیں کھلے پن اور شمولیت پر عمل کرنا چاہئے اور ایک دوسرے کی کامیابیوں کے حصول کے لیے مشترکہ کوشش کرنی چاہئے۔
تینوں ممالک بنیادی طور پر ایک دوسرے پر انحصار کرتے ہیں، باہمی طور پر جیت جیت پر مبنی فائدہ مند تعلقات قائم کرنے چاہئیں ۔ ہمیں شراکت داری کا احساس قائم کرنا چاہیے، عالمی نقطہ نظر دیکھنا چاہیے اور ایک دوسرے کی ترقی کو حقیقی معنوں میں اپنے مواقع کے طور پر دیکھنا چاہیے۔
