بیجنگ (نیوز رپورٹر)چین کے وزیر اعظم لی چھیانگ نے بیجنگ میں یورپی مرکزی بینک کی صدر کرسٹین لیگارڈ سے ملاقات کی۔جمعہ کے روز ملاقات کے موقع پر لی چھیانگ نے نشاندہی کی کہ چین اور یورپی یونین کو کثیر الجہتی طور پر قریبی تعاون کرنا چاہئے ، کھلے پن اور تعاون کو فروغ دینا چاہئے ، اور عالمی معاشی بحالی کو فروغ دینے اور عالمی گورننس کو بہتر بنانے میں زیادہ سے زیادہ حصہ ڈالنا چاہئے۔ چین بین الاقوامی مانیٹری نظام کی اصلاحات میں یورپی مرکزی بینک کے ساتھ تعاون کو مضبوط بنانے کا خواہاں ہے۔
اس سال، چین نے زیادہ فعال میکرو اکنامک پالیسیوں کو نافذ کیا ہے، کاؤنٹر سائیکلیکل ایڈجسٹمنٹ کو تیز کیا ہے، اور گھریلو طلب اور کھپت کو بڑھانے کے لئے متعدد اقدامات کیے ہیں،جس سے بیرونی منفی اثرات کا مؤثر مقابلہ کیا جا سکتا ہے۔ چین کھلے پن کو مزید وسعت دے گا اور دنیا کے ساتھ ترقی کے مواقع شیئر کرے گا۔
لیگارڈ نے کہا کہ یورپ اور چین کے لیے اعلیٰ سطح کے تبادلوں، مکالمے اور تعاون کو برقرار رکھنا بہت ضروری ہے۔ ٹیرف جنگوں اور تجارتی جنگوں میں کوئی فاتج نہیں ہوتا اور کثیر الجہتی ،کھلے پن اور تعاون کو مضبوط بناناہی صحیح راستہ ہے۔انہوں نے کہا کہ حالیہ برسوں میں چین کی جدت طرازی اور کارپوریٹ مسابقت متاثر کن ہے۔
11 جون کو ، پیپلز بینک آف چائنا کے گورنر پھان گونگ شینگ اور یورپی مرکزی بینک کی صدر کرسٹین لیگارڈ نے چین اور یورپی مرکزی بینک کے صدور کا پہلا سالانہ اجلاس منعقد کیا۔ ملاقات کے بعد فریقین نے پیپلز بینک آف چائنا اور یورپی مرکزی بینک کے درمیان تعاون کی یادداشت پر دستخط کیے جس سے چین اور یورپی مرکزی بینک کے صدور کے سالانہ اجلاس کا میکانزم واضح طور پر قائم ہوا اور معلومات کے تبادلے، تکنیکی تعاون اور پالیسی مواصلات میں تعاون کے فریم ورک کو مزید بہتر بنایا گیا۔
