بیجنگ (نیوز ڈیسک)چین کے وزیر اعظم لی چھیانگ نے چین کی قومی عوامی کانگریس کو حکومت کی ورک رپورٹ پیش کی، جس میں کچھ نئے الفاظ سامنے آئے ہیں۔
لفظ 1: یونیکارن انٹرپرائزز
جو انٹرپرائززمختصر مدت کے لئے قائم کیے گئے ہیں اور ان کی مالیت 1 ارب امریکی ڈالر سے زیادہ ہے۔ 2024 کے اختتام تک چین میں 510 یونیکارن تھے، جو امریکہ کے بعد دوسرے نمبر پر تھے۔ مثال کے طور پر: بائٹ ڈانس (ٹک ٹاک کی پیرنٹ کمپنی)۔
لفظ 2: گیزل انٹرپرائزز
چھوٹے اور درمیانے درجے کے کاروباری ادار ے ہیں جو نسبتاً مختصر مدت (عام طور پر 3-5 سال) میں آپریٹنگ آمدنی یا منافع (جیسے 20فیصد سے زیادہ کی اوسط سالانہ ترقی کی شرح) میں تیزی سے ترقی حاصل کرتے ہیں.
لفظ 3: مجسم ذہانت
مجسم ذہانت سے مراد وہ صلاحیت ہے جس میں ایک ذہین وجود علم حاصل کرنے اور اپنے ارد گرد کے ماحول کے ساتھ تعامل کے ذریعے کاموں کو انجام دینے کی صلاحیت ہے۔ مجسم ذہانت کا بہت سے شعبوں میں اطلاق ہے، جیسے خودکار ڈرائیونگ اورصفائی کرنے والا ذہین روبوٹ۔
لفظ 4: 6 جی
6 جی سے مراد موبائل کمیونیکیشن ٹیکنالوجی کی چھٹی نسل ہے۔ یہ نہ صرف 5 جی کی اپ گریڈ یشن ہے ، بلکہ ایک نیا ٹیکنالوجی سسٹم بھی ہے ، جس کے 2030 کے لگ بھگ تجارتی استعمال میں داخل ہونے کی توقع ہے۔
لفظ 5:اے آئی موبائل فون اور کمپیوٹر
اے آئی موبائل فونز اور کمپیوٹرز وہ نئے اسمارٹ ڈیوائسز ہیں جن میں مصنوعی ذہانت کے مخصوص ہارڈ ویئر کو شامل کیا گیا ہوتا ہے اور اے آئی ایپلی کیشنز کو بہتر بناتے ہیں۔
لفظ 6: ذہین روبوٹ
ذہین روبوٹ وہ روبوٹ ہیں جو مصنوعی ذہانت (اے آئی)، سینسرز، خود کار فیصلہ سازی کے نظام، اور جسمانی عملدرآمد کی صلاحیتوں کو مربوط کرتے ہیں، اور مستقبل میں طبی، گھریلو اور صنعتی شعبوں میں تیزی سے نمودار ہوں گے، جس سے لوگوں کے طرز زندگی کو مکمل طور پر تبدیل کردیا جائے گا.
لفظ 7: صفر بنیاد پر مبنی بجٹ اصلاحات
زیرو بیسڈ بجٹنگ اصلاحات سے مراد "صفر” سے تمام اخراجات کی ضرورت، تاثیر اور ترجیح کا دوبارہ جائزہ لینا ہے، تاکہ مالی وسائل کی تقسیم اور فنڈز کے استعمال کی کارکردگی کو بہتر بنایا جاسکے۔ حالیہ برسوں میں چین نے اسے اپنے مالیاتی نظام کی اصلاحات میں بھی شامل کیا ہے
