سوشل میڈیا پر بے سُری گائیکی سے شہرت پانے والے گلوکار چاہت فتح علی خان نے ایک تازہ انٹرویو میں خود کو پاکستان کا بہترین گلوکار قرار دے کر تنقید کرنے والوں کو کرارا جواب دے دیا۔
ایک نجی ٹی وی پروگرام میں گفتگو کرتے ہوئے انہوں نے کہا کہ اُن پر کی جانے والی تنقید دراصل اُن کی مقبولیت اور فن سے لوگوں کے حسد کا نتیجہ ہے۔ اُن کے بقول کئی معروف گلوکار ان کے ساتھ اسٹیج شیئر کرنے سے گریز کرتے ہیں، جو اُن کے تکبر کی علامت ہے۔
چاہت نے کہا کہ وہ اپنی موسیقی خود بناتے ہیں اور اس بات کی کوئی پرواہ نہیں رکھتے کہ لوگ انہیں گلوکار مانتے ہیں یا نہیں۔ اُن کے مطابق، اصل چیز خود پر اعتماد اور اپنے کام سے خوشی لینا ہے۔
اپنے مشہور گانے "بدو بدی” کے حوالے سے ان کا کہنا تھا کہ یہ گانا بالکل منفرد ہے اور اس پر ہونے والی تنقید بے بنیاد ہے۔ انہوں نے دعویٰ کیا کہ نہ تو نور جہاں کو اصل گانے سے شہرت ملی تھی اور نہ ہی ممتاز کو، اس لیے ان کا گانا بھی تنقید سے بالاتر ہونا چاہیے کیونکہ یہ خواتین کے لیے تخلیق کیا گیا ہے۔
انہوں نے کہا،
"لوگ مجھ سے بے معنی سوالات کرتے ہیں، مگر میں وہی کر رہا ہوں جو مجھے خوشی دیتا ہے۔ جو تنقید کرنا چاہتے ہیں، کرتے رہیں، مجھے کوئی فرق نہیں پڑتا!”
