پاکستان سپر لیگ (پی ایس ایل) کی تاریخ میں پہلی بار شائقین کو پورے ٹورنامنٹ میں اردو کمنٹری کا لطف اٹھانے کا موقع ملے گا۔ پاکستان کرکٹ بورڈ (پی سی بی) نے اس بات کا اعلان کیا ہے کہ پی ایس ایل کے 10ویں ایڈیشن میں شائقین اردو زبان میں لیگ میچوں کے ایکشن اور جوش و خروش سے لطف اندوز ہو سکیں گے۔
پی ایس ایل کے چیف ایگزیکٹو آفیسر سلمان نصیر نے اس کو تاریخی لمحہ قرار دیتے ہوئے کہا کہ پاکستان میں کرکٹ ایک طاقتور کھیل ہے اور اس کے ذریعے شائقین کے دلوں میں گھر کرنے کی کوشش کی جا رہی ہے۔ انگریزی اور اردو کمنٹری پینلز کی تفصیلات مناسب وقت پر شیئر کی جائیں گی۔
پی ایس ایل 10 کا آغاز 11 اپریل سے ہوگا۔
