لاہور ( ایجوکیشن ڈیسک)وائس چانسلر پنجاب یونیورسٹی پروفیسر ڈاکٹر خالد محمود نے کالج آف آرٹ اینڈ ڈیزائن شعبہ ٹیکسٹائل ڈیزائن کے زیر اہتمام گرینڈ ہال(اولڈ کیمپس) میں بی ایف اے ڈگری شو 2023کا افتتاح کر دیا۔
اس موقع پر ڈین فیکلٹی آف آرٹس اینڈ ہیومینٹیز پروفیسر ڈاکٹر عامرہ رضا،پرنسپل کالج آف آرٹ اینڈ ڈیزائن پروفیسر ڈاکٹرسمیرا جواد،انچارج شعبہ ٹیکسٹائل ڈیزائن ڈاکٹر اثنا مبشرہ ،مختلف شعبہ جات کے سربراہان، فیکلٹی ممبران اور طلبائوطالبات نے بڑی تعداد میں شرکت کی ۔ اپنے خطاب میں پروفیسر ڈاکٹر خالد محمود نے کہا کہ پنجاب یونیورسٹی کالج آف آرٹ اینڈ ڈیزائن کے طلباء تخلیقی خیالات سے بھرپور ہیں جنہوں نے مختلف سماجی اور انفرادی مسائل کوبہترین انداز میں اجاگر کیا ہے۔
انہوں نے کہا کہ حادثات سے بچنے کے لئے ٹریفک قوانین پرآگاہی وقت کی ضرورت ہے۔ بعد ازاںوائس چانسلر نے فن پارے دیکھے اور نمایاں کارکردگی پر طلباء کو سراہا۔نمائش میںٹریفک آگہی ، فائبر آرٹ شو اور باٹک شو میں 26 طلباء کے تخلیق کردہ آرٹ کے نمونے رکھے گئے۔
