لاہور(ایجوکیشن رپورٹر)پنجاب یونیورسٹی شعبہ امتحانات نے ایل ایل بی (تین سالہ) پارٹ ۔ٹو ،تھرڈ اور ایل ایل بی (پانچ سالہ) پارٹ۔ون،ٹو، تھرڈ، فورتھ اور ففتھ سالانہ امتحان 2025ءکے داخلہ فارم و فیس جمع کرانے کاتوسیع شدہ شیڈول جاری کر دیا۔
تفصیلات کے مطابق ریگولر/ لیٹ کالج امیدوار وں کے لئے اب سنگل فیس کے ساتھ آن لائن داخلہ فارم جمع کرانے کی آخری تاریخ14اپریل 2025ءہے۔امیدوار داخلہ فارم آن لائن جمع کروا سکتے ہیں ، کوئی فارم دستی یابذریعہ ڈاک وصول نہیں کیا جائے گا۔تفصیلات www.pu.edu.pk پر دستیاب ہیں۔
