لاہور(نیوز رپورٹر)وزیر اعلی پنجاب مریم نواز نے کہا ہے کہ پنجاب کے خوبصورت سیاحتی حسن کو دنیا کے سامنے لائیں گے۔سیاحت کی بحالی کے عالمی دن پر اپنے پیغام میں وزیراعلی مریم نواز کا کہنا تھا کہ صوبے کے مختلف خطوں میں سیاحت کا بے پناہ پوٹینشل پوشیدہ ہے، پنجاب صحراں، پہاڑی سلسلوں، جھیلوں اور دریاں کی دھرتی ہے۔
انہوں نے کہا کہ پنجاب میں سیاحت کے فروغ کیلئے دیرپا اقدامات کئے جا رہے ہیں، معیشت، مقامی ثقافت اور بین الاقوامی تعلقات کے استحکام کیلئے سیاحت ناگزیر ہے۔ان کا کہنا تھا کہ مری گلاس ٹرین پراجیکٹ سیاحت کے فروغ کیلئے گیم چینجر ثابت ہوگا
، مری کو عالمی معیار کا سیاحتی مقام بنانے کے لئے ماسٹر پلان پر عمل جاری ہے، محفوظ اور آرام دہ سفر کیلئے اہم روڈز کی اپ گریڈیشن کی جا رہی ہے، کرتار پور میں عالمی معیار کا ہوٹل بنائیں گے، مذہبی سیاحت کے فروغ پر خصوصی توجہ ہے۔مریم نواز نے مزید کہا کہ پنجاب میں نئے پرکشش سیاحتی مقامات متعارف کرائے جا رہے ہیں، سیاحوں کی سکیورٹی کو یقینی بنانے کیلئے بہترین حفاظتی انتظامات کئے گئے ہیں۔
