لاہور(کرائم رپورٹر) کورونا وائرس سے لاہور پولیس کے پہلے شہید کانسٹیبل کی تصدیق ہوگئی۔ متوفی شمس شفیق سکندریہ کالونی کا رہائشی تھا اور ہربنس پورہ تھانے میں تعینات تھا۔
ترجمان لاہور پولیس رانا عارف کے مطابق ہربنس پورہ تھانے میں تعینات پولیس کانسٹیبل شمس کا کروانا ٹیسٹ مشبت آگیا
محافظ ڈیوٹی دیتے ہوئے شمس شفیق نے جام شہادت نوش کیا۔ پولیس کے پہلے شہید کی تدفین بند روڈ مقامی قبرستان میں کی گئی تھی۔ متوفی شمس میو اسپتال میں زیر علاج تھا اسکی موت کے بعد کورونا ٹیسٹ کرایا تھا جسکی آج رپورٹ موصول ہونے پر کورونا کا پتہ چلا ہے۔
ترجمان لاہوررانا عارف کے مطابق ہیڈ کانسٹیبل شمس کی کورونا وائرس کے باعث شہادت کی تصدیق ہوگئی ہے۔متوفی کورونا وباء سے لڑتے ہوئے میوء ہسپتال میں شہید ہو گیا تھا۔ شہید ہیڈ کانسٹیبل شمس سکندریہ کالونی کا رہائشی اور تین بچوں کا باپ تھا۔ سی سی پی او لاہور ذوالفقار حمید کا کہنا ہےکہ متوفی کے ورثا کے لیے شہید پیکج کی منظوری کیلئے آئی جی پنجاب کو سفارش کی جائے گی۔ شہید کے اہل خانہ کی تمام تر ضروریات کا خیال رکھا جائے گا۔
