حکومتِ پنجاب نے جنگلات کے تحفظ کے لیے بڑا قدم اٹھا لیا۔ صوبائی اسمبلی میں "فاریسٹ ترمیمی ایکٹ 2025” پیش کر دیا گیا ہے، جس کے تحت درختوں کی کٹائی اور جنگلات کو نقصان پہنچانے والوں کے لیے سخت سزائیں اور بھاری جرمانے تجویز کیے گئے ہیں۔
ترمیمی بل کے مطابق جنگلات کو نقصان پہنچانے والے افراد کو کم از کم پانچ سال اور زیادہ سے زیادہ سات سال قید کی سزا دی جا سکے گی، جبکہ پانچ لاکھ سے پچاس لاکھ روپے تک جرمانہ عائد کیا جائے گا۔
بل میں "فاریسٹ پروٹیکشن سینٹرز” کے قیام کی تجویز دی گئی ہے، جن کی نگرانی ڈپٹی محافظ کرے گا۔ جنگلات کے افسران کے لیے وردی پہننا لازمی قرار دیا گیا ہے جبکہ ڈی جی فاریسٹ کے حکم پر چیک پوسٹس بھی قائم کی جا سکیں گی۔
ترمیمی بل کے مطابق افسران کو عدالتی حکم کے بغیر مشتبہ افراد کو گرفتار کرنے کا اختیار حاصل ہو گا۔ سیکریٹری جنگلات تفتیشی افسران کی تعیناتی کر سکیں گے، جب کہ اگر کوئی فاریسٹ افسر خود جرم میں ملوث پایا گیا تو اسے بھی سزا دی جائے گی۔
مزید برآں، جنگلات کے جرائم کی سماعت کے لیے خصوصی عدالت قائم کی جائے گی۔ جنگلات سے متعلق جرم کی اطلاع دینے والے شہری کو تعریفی سرٹیفکیٹ دیا جائے گا اور اس کی شناخت کو مکمل طور پر محفوظ رکھا جائے گا۔
ترمیمات کا بنیادی مقصد جنگلات کے تحفظ، ماحولیاتی نظام کی بحالی، اور انتظامی ڈھانچے کو مزید مضبوط بنانا ہے۔ بل کو دو ماہ کے لیے متعلقہ کمیٹی کے سپرد کر دیا گیا ہے، جس کی رپورٹ کے بعد اسے منظوری کے لیے ایوان میں پیش کیا جائے گا۔ حتمی منظوری گورنر پنجاب دیں گے۔
Luckyneko777 caught my eye! The games look pretty sweet. I haven’t put a ton of time in, but the graphics are great and it feels like a fun place to try my luck. Fingers crossed! luckyneko777
Yo, 8AceCasino’s my go-to spot for a quick game after work. They got a solid selection and the payouts are usually pretty fast. No complaints here! Check it out for yourself: 8acecasino